Popular Bible Verses from San Mateo 26

Share

Uy ʌŋdame, sino que oto'ŋʌytyamʌ Dios umij nwyʌytyamu oc'isoye's. Wiyuŋšej mista'm ndzoco'yismij sunba ŋguiotzoŋdamu, pero mista'm ŋgüerpo mochipʌte'.

Pijche'ca Jesujsis ñʌjayu te' tuca'ytya'mbʌ: Jene triste ʌs ndzocoy jujcha' maŋba quia'upʌ. Tzʌ'ytyamʌ yʌy y nʌ'oto'ŋʌytyamʌ'ʌj Dios.

Y ma'ŋa'ŋʌyu uša'ŋ y mucscʌne'cu wyinnacapit. 'Yoto'ŋʌyu Tyata Dios y nʌmu: Tatay, yʌ' toya maŋbapʌ'ʌs nʌcʌtʌjcupʌ, juca oye wa'yʌs jana nʌcʌtʌjcu, yajʌcʌ'ja. Pero uy tzʌqui ʌs sunbašej, sino que mis sunbašej.

Porque yʌ' vino ʌsyʌ' nʌ'pin maŋba 'yumbʌ'jayajupʌ. Y maŋba pyaquitzi'u te' jomepʌ trato, y maŋba yajcotocoyjayu wʌwʌ pʌ'nista'm quiowa.

Y te'yandʌj nʌ ŋgu'tu'c, pyʌjcu Jesujsis te' pan y ñicomasa'nʌyu, y wyenu y tzi'utʌj, tʌj te' quiʌ'aŋmaye, y nʌmu: Pʌctamʌ y wi'ctamʌ, yʌ'wʌ ʌsyʌ' ŋgüerpo.

Y pyʌjcu te' vaso, y ñʌjayu Dios yʌscotoya. Y tzi'que'tutʌj, y nʌmu: To'ŋne'ŋbʌ'tamʌ.

Y witu'u ijtyajumʌy te' quiʌ'aŋmaye, y ʌŋu'c pya'tyaju. Y ñʌjayu te' Pedro: ¿Y jamusʌmisʌj nʌ'oto'ŋʌytyamʌ Dios yajtya' tumʌ hora?

Y nʌjaytyamba'ʌsmij que desde yʌtij ja'na'mʌs ndo'ŋgue'temaj te' uva-tʌ'mis ñʌ' hasta ʌ' jamo'oyj ndo'ŋwʌtzʌcpa'camʌs jomewʌ miji'ŋda'm aŋgui'mbamʌy ʌs Ndata Dios.

Y jyamwʌtzʌcjayu Pedro's te' Jesujsis chame, te' ñʌjayu'c: Antes que wejpa te' gallo, maŋbamij ñʌmu tuca'y ñaca que ja'nmisʌj ŋgo'ispʌqui. Y ca'ŋbujtu Pedro fuera'ojmo, y sininba jʌyu.

Tzu'cumdamʌ, ma'nta'm. Quendamʌ yʌ'ya nʌ ñu'cu te' minbapʌ'sʌj tzi'oquia'u.

Pijche'ca Jesujsis ñʌjayu: Cota te' mis espada ñaco'mo, porque mumu'iwʌ espadapit quijpa, espadapit maŋba quia'u.