Popular Bible Verses from Hechos 2

Share

Y Pedro's ñʌjayaju: Quipswitu'tamʌ, y nʌ'yʌytyamʌ tumduma'ŋbʌn Jesucristo's ñʌquiʌsi, wa'y quiotocoytyamu mis ŋgowa. Y Diojsismij maŋba ñchi'tamu te' Espíritu Santo.

Y quio'ŋjojcʌtʌquiaju te' cʌ'we'is 'yaŋma'yoquiuy, y našuñatʌju ñe'co'mo. Tumo'oyjtya'm inʌc chima y 'yawa' y quiomicu'tcuy, y 'yoto'ŋʌyjojcʌtʌquiajpa inʌc Dios.

Pijche'ca pa'ŋna jyo'ʌyaju Espíritu Santo's. Y chamgʌ'yaju wi'ni eyata'mbʌ otowe, chi'yajpašej inʌc te' Espíritu Santo's wa'y chamdzamnayaju.

Y tumnacacʌsi minu ju'ucʌ tzajpojmoc y myatoŋyaju jujcha' nʌ pyoyu'c pʌmipʌ sawa. Y jyo'ʌyu te' ju'ucʌ's mumu te' tʌc pocšajumʌy. Quieñaju totz jucʌtʌcšejta'mbʌ, y tzʌ'yu tumduma'ŋbʌngʌsi. Pijche'ca pa'ŋna jyo'ʌyaju Espíritu Santo's. Y chamgʌ'yaju wi'ni eyata'mbʌ otowe, chi'yajpašej inʌc te' Espíritu Santo's wa'y chamdzamnayaju.

Tumdumʌ jama inʌc itjojcʌtʌquiajpa myuma'ŋgʌ'y te' templo'ojmo. Y tumʌ'ajcu'yoyj inʌc wye'nbʌ'yajpa te' pan tumdumʌpʌ tʌjcojmo. Y myuma'ŋgʌ'y inʌc cu'tyajpa pumñayu'c y sʌ'mnayupʌ chocopyit. Wyʌcotzamyajpa inʌc Dios, y ñe'cʌta'm wyʌcocojtyatʌjpa inʌc te' cumgupyʌ'nis. Y tʌ Ngomi's tumdumʌ jama inʌc 'ya'ŋʌpya te' tu'mʌquiu'yojmo nʌ inʌc quiotzoquiajupʌ.

Yʌ'šej maŋba tyujcu te' ultimota'mbʌ jamo'oyj, nʌmu Dios, Maŋba'ʌs ŋgʌ'weju ʌs Espíritu mumu pʌngʌsi. Y maŋba cha'maŋwa'oyaju mista'm njaya-une y nyomo-une. Maŋba quieñaju quene mis soca'sta'm, Y maŋba ñapašʌyaju mis ndzamupʌnda'm.

Mumu jujche'ŋ wʌ'aŋja'moyajpapʌ tumʌ'ijtyajpa inʌc, y mumutiyʌ inʌc tumo'oyj yajyojšajpa. Y jujche'ŋ wʌ'aŋja'moye's mya'ʌyajpa inʌc te' yojsaŋ y eyata'mbʌ tiyʌ, y wye'nbʌ'jayatʌjpa inʌc mumu yajyojšajpaše'ŋ tumduma'ŋbʌ'nis.

Y jujche'ŋ wyejwindzoŋjapyapʌ's tʌ Ngomi's ñʌy, maŋba quiotzojcu.

Maŋba pyi'tzʌ'aju te' jama, Y maŋba tyujcu nʌ'pinšej te' poyaj, Antes que minba tʌ Ngomi's jyama quenequene'c y mʌja'ŋbʌ.