Popular Bible Verses from Hechos 1

Share

Pero maŋba minu mijcʌsita'm te' Espíritu Santo y maŋbamij ñchi'tamu pyʌmi. Maŋbamisʌj ŋgowʌ'aŋjamdamu Jerusaleŋ-gumgu'yojmo, mumu Judea y Samaria-najsojmo y mumu naswindumʌ.

Y 'yaŋdzoŋyaju Jesujsis: Ja'n pyʌqui wa'mis mustamu te' jama ni te' aŋsʌŋ na' tʌ Ndata's quiowindzʌmyajpapʌ.

Y tumʌ'ijtyaju'c, 'yaŋgui'myaju Jesujsis uy chu'cumyaju te' Jerusaleŋ-gumgu'yojmo, sino tey wa'y jyo'quiaju tʌ Ndata Diojsis chamdzi'yajupʌ tiyʌ. Te'šej chamjayaju Jesujsis. Y ñʌjayajque'tu: Porque wiyuŋšej, Juan yajnʌ'yʌ'oyu nʌ'pit, pero mijta'm maŋbamij ñʌ'yʌytyamu Espíritu Santopit yʌ'ta'mbʌ jamo'oyj.

Y toyapʌjcu'ca Jesús, yajqueñaju quenbapʌ wyin te' cʌ'wejta'm ja'n šujchapyʌ tzʌquipit. Y wʌstʌjqui's jama yajqueñaju wyin y ñʌtzamyaju jutz aŋgui'mba Dios.

Yʌ'šejta'mbʌ tiyʌ'a chamu'c Jesujsis, y teytyij nʌ quieñaju'c, yajqui'mu Diojsis y quiʌwʌ'nu o'na's, te'šej quiendocoyaju.

Y cʌsmʌtij nʌ quieñaju'c tzajpojmo nʌ'cše'ŋoyj qui'mu Jesús, quiʌnu'cʌyaju metza'ŋbʌ'nis sujpopota'mbʌ's pyama. Yʌ'ta'mbʌ's ñʌjayaju te' cʌ'wejta'm: Galilea-pʌnda'm, ¿tiyajca'nde' nʌ ŋguiendamu tzajpojmo? Yʌ' Jesús, yajqui'mupʌ Diojsis tzajpojmo mista'm nwi'naŋdʌjqui, nguendamušejmis nʌ myaŋu'c tzajpojmo, te'šejtij maŋba mingue'tu.