Popular Bible Verses from JUAN 14

Share

“Teme boone, ya me kaꞌbeyex jilel te bujtsꞌan kꞌinale. Joꞌon ya kaꞌbeyex te butsꞌan kꞌinal ya awaꞌiyike: pero ma me pajaluk sok te machꞌatik ya yakꞌ te ayikta skuenta te balmilale. Ma me wakꞌ yajtal awoꞌtanik y ma me xiꞌanik.

Te Jesuse la sjakꞌbe: —Joꞌon te beone, y joꞌon te tut batsꞌi jiche, y sok te kuxlejale. Maꞌyuk machꞌa ya xkꞌot ta stojol te jTat teme ma joꞌukon ta jkuentae.

La yal xan te Jesuse: —Ma me wakꞌ yajtal awoꞌtanik. Ja me xꞌachꞌuunik te Diose, y chꞌuunaikon me euk te joꞌone.

Pero te Chꞌul Espiritue, te Joyinwanej awuꞌunike te ya xba stikon tal te jTat ta joꞌon jbiile, jaꞌ me ya yaꞌbeyex anopik spisil stukel, sok jaꞌ me ya yaꞌbeyex anaꞌik spisil te tut kalojbeyexe.

Te machꞌa yichꞌojbon spisil te jmantale y teme ya xchꞌuune, te me ya xchiknaj a te batsꞌi jich te kꞌuxon ta yoꞌtane. Y te jTate ya xkꞌuxutay te machꞌa kꞌuxon ta yoꞌtane. Y te joꞌone ya me jkꞌuxutay euk, y ya me kakꞌ snaꞌbon jba —xchi te Jesuse.

Y joꞌon ya jkꞌanbe te jTate te ya stikonbeyex tal yan Joyinwanej te sil tiempo ya sjoyinex stukele, jaꞌ bi jaꞌ te Espíritu te ya yakꞌ ta naꞌbeyel sluwaril te tut batsꞌi jiche. Te machꞌatik ayik ta skuenta balmilale, ma xjuꞌ ya yikꞌik te Espiritue, porke ma xyilik y ni ma snaꞌbeyik sba. Pero te jaꞌexe ya anaꞌbeyik sba porke sjoyinejex, sok ya me xꞌayin ta awoꞌtanik sil tiempo.

Y spisil te tut ya akꞌanik ta jbiile, ya me kaꞌbeyex. Yuꞌun jich me ya xchiknaj slekilal a te Dios Tatil ta skuenta te Nichꞌanile. Joꞌon ya kaꞌbeyex te tutik ya akꞌanik ta jbiile.

“Teme kꞌux ya awaꞌiyikone, ya achꞌuunik spisil te jmantale.

Te ba sna te jTate ay bayal luwar te ba ya xꞌanexe. Te jichuk ma jichuke, makꞌ ya kalbeyex te ya xba jchap jun luwar awuꞌunike.

Y ta patil teme boone, y teme chajpay te jun luware, ya me xchꞌatalon xan yuꞌun ya xtal kikꞌex bael. Jich te jaꞌexe teꞌ me ya xkꞌoex a te ba ya xkꞌoon te joꞌone.

Te jTomase la yalbe te Jesuse: —Kajwal, ma jnaꞌtik te ba ya xbaate. ¿Tutꞌil kꞌan jnaꞌtik te bee? —xchi.