Popular Bible Verses from JUAN 15

Share

“Te joꞌone jaꞌ smukꞌul yakꞌilon; yan te jaꞌexe jaꞌ jkꞌab-kꞌabex. Te machꞌa jmel nax ya yakꞌ sba ta jtojole y te joꞌone jun nax ayon sok, jich me ya sitin ta lek. Ni maꞌyuk tut xjuꞌ awuꞌunik teme parte ya awakꞌ abaike.

Sigue me xꞌawakꞌ abaik ta jtojol; jich tutꞌil te joꞌone sigue me ayon ta atojolik. Te jejk skꞌabe ma spas ya yakꞌ sit ta stukel nax, teme ma teyuk lokꞌem tal te ba smukꞌul yakꞌile. Jaꞌ nax jich euk te jaꞌexe, ma xjuꞌ ya sitinex teme ma jmeluk nax ya awakꞌ abaik ta jtojole.

“Teme jmel nax awakꞌoj abaik ta jtojol te jaꞌexe y sok teme jmel nax jun awoꞌtanik ta xchꞌuunel te tuti jnopesex ae, kꞌanaik te tut ya akꞌanike y ya me yaꞌbelex.

Te jaꞌexe ma jaꞌukex la atꞌujikon, sino ke joꞌon a jtꞌujex te jaꞌexe. Jaꞌ a jtsaex yuꞌun te ya xbenexe sok te bayal ya sitinexe. Te sit ya awakꞌike ma xlaj sbajtel kꞌinal. Jich te jTate ya me yaꞌbeyex spisil te tut ya akꞌambeyik ta jkuentae.

Maꞌyuk machꞌa mas mukꞌ slekil yoꞌtan ke te machꞌa ya yakꞌ sba ta milel yuꞌun te yamigotake.

Ya slokꞌes spisil te skꞌab yakꞌil te ma xyakꞌ site. Te skꞌab yakꞌil te ya yakꞌ site ya septalan y ya sjojchotes yuꞌun ya sitin lek a.

Te jmantale jaꞌto: Te kꞌux ya awaꞌiy aba ta awoꞌtanike, jich tutꞌil kꞌux ya kaꞌiyex ta koꞌtane.

Te jTate jich me ya xꞌakꞌot ta jkuenta a te kꞌalal bayal ya sitinexe. Jich me batsꞌi jnopojel ya xkꞌoex kuꞌun.

Te Jesuse lijk yal xan: —Joꞌon te smukꞌul yakꞌilon te ubae; y te jTate jaꞌ ya xchap y ya skanantay.

Te machꞌa ma jmeluk nax ya yakꞌ sba ta jtojole, ya me xchꞌojot lokꞌel ta jwera jich tutꞌil te skꞌab-kꞌab te ubae. Ya me xtakej te skꞌab-kꞌabe, y ya stsobot y ya yichꞌ chikꞌel ta kꞌajkꞌ.

“Jich ya kalbeyex to yuꞌun jich me ben jun awoꞌtanik ta jtojol a, y jmel nax me ya awichꞌik te bujtsꞌan kꞌinal ya awaꞌiyike.

Teme ya achꞌuunik spisil te jmantale, jmel nax me ayex a te ba slekil koꞌtane. Jich tutꞌil te jchꞌuunejbe spisil smantal te jTate, y jich jmel nax ayon a te ba slekil yoꞌtane.

Jaꞌ to jaꞌ jmantal te ya kalbeyexe: Kꞌux me xꞌawaꞌi abaik ta awoꞌtanik.

Te jaꞌuk yuꞌunex te balmilale, te genteetik ta balmilale ben kꞌuxex ta yoꞌtan te jichuke, jich tutꞌil te kꞌux ya yaꞌi ta yoꞌtan te sjoꞌtake. Pero joꞌon a jtsaex tal lokꞌel ta yolilik te machꞌatik yuꞌun te balmilale. Jaꞌ sluwar te ya spꞌajexe, porke ma yuꞌunukexix te balmilale.