Popular Bible Verses from San Lucas 18

Share

Mit Jesús itumuquips̈cʉs̈au tu'c cuentu, i-ajque's̈cʉs̈au ni'c ma ora̱tí̱jca mit magadesmaya̱tca.

Mit como Dios oyo'c, ¿is̈jawiga je' igacowangʉs̈áj icupiugʉs̈way jeme iguiyo'tcajapay tsu'm mit s̈ʉ̱m? ¿Is̈jawiga jegáj pa iguipo'ngʉs̈wa'n? Tʉnʉmgʉs̈ap ni'c icowangʉs̈áj jaran. Po ʉ̱ jeme tʉjatway jayau cuandu tʉmi'nwa'n, ¿is̈jawiga tʉmpa'táj ni'c jayajwat en ayʉ̱́j mundu icupʉjcap Dios?

Jesús inʉmgʉs̈au: —Jayajwat ca-oyap inisalvá̱tcʉjʉ je'jatu, po Dios oyap iguiwat nu'pʉjʉn cosa.

Mit mayo'c tiempu ayé juez igawatu cuenta, po inʉm je'yu: “Tʉngapʉ̱tp Dios ne tʉngawatp cuenta jayajwat, po majawe'naj, tʉncowa'náj ayʉ̱́j cu-o'cwáy ni'c tʉs̈jomi-í̱cp mit oyap tʉs̈ajcʉs̈ap tʉnjo̱jt.”

Iyacs̈ta'cway tʉnʉmgʉs̈ap ni'c jeme igacupʉcpay as̈am tu'c ya̱wáy ni'c Dios manda̱táj, catʉgʉyáj mam je' imanda̱t.

Po Jesús iya̱s̈cʉs̈ ayé ya̱wájat, mit inʉm: —Moyga laj ya̱wájat ma minga mam ʉ̱ mit camatujca, ni'c jayajwat jeme jatcámpay as̈am ayʉ̱́j ya̱wájat, je'jat iguimanda̱tcáj Dios.

Mit Jesús inʉjmau: —Mi-oytanáj ni'c ʉ̱ is̈cupʉcp.

Jesús iguinʉjmau: —¿Tini'c ʉ̱ is̈najap Amayipay oyway? Solo itp tu'c jeme oyway, mit ayé Dios.