Popular Bible Verses from San Lucas 17

Share

Mit inʉjmau: —Ca's̈ʉ'c mit nʉs̈, mi-oytanway ni'c ʉ̱ is̈cupʉc.

Mit te is̈wajtap mal siete veces en tu'c s̈ʉjw, mit te siete veces pitucpatu pa is̈yo'jtap perdón, oy pi perdona̱t.

Mit tu'c jayau igui-is̈ ni'c oytanway, pituc mam itsʉ̱na Jesús, mit i-oyninʉm mʉgʉc Dios, mit nicos̈atenda̱jcʉu ita'ná̱m Jesús, mit inʉjmau ni'ctiyu̱s̈. Mit ayé jayau Samariajway.

Nicuidá̱tcʉjʉ mijchatu. Te inhermanu is̈wajtap mal, che'cta'c. Po te is̈yo'jtap perdón, perdona̱t.

Mit Jesús inʉm: —¿Caje' diez jayajwat jeme oytangaway? ¿Jʉm itsʉ̱nga janueve?

Mit el Señor inʉmgʉs̈au: —Te micupʉjcap s̈ʉ̱ntiticna, ayé as̈am tu'c titic mostaza-semilla ijat mʉj, mit oyáj is̈nʉ́mgaja ayʉ̱́j sicómoro-cujy: “Niwís̈ʉ mit niní̱jpʉ lama̱tni'c”, mit is̈jayaumaygáj.

Nu'pʉjʉn jeme iwampay iguisalva̱twa'n ivida i-actogoyáj, mit pʉmba'tu jeme i-actsʉ̱námpay ivida por togoyic, je' iguarda̱táj pa tu'c vida cacʉs̈ámpay.

Jesús inʉmgʉs̈au ipʉctampajyat: —Itp ti i-itwa'n ayé mal iyo'tpay najo̱jt, po ¡pro̱wij de ayé jayau jeme nas̈actuwampay mal! Más oy nacutsúmijya tu'c mʉjway pa̱wan iyo'cni'c mit naca'tstʉgʉy lama̱tjugum, ni'c más mal igui-actuwatwa'n mal tu'c ayʉ̱́j jayawájat jeme tʉs̈cupʉjcapay.

’Ni'c as̈am ayé tiempu itsʉ̱naj Noé, wename-ey ijatwa'n en ayé s̈ʉjw tʉmi'nwa'n ʉ̱ jeme tʉjatway jayau. Je'jat caygau, u̱jcau, nicʉ'pa̱tcʉjʉu mit i-acnicʉ'pa̱tcʉjʉu iquis̈ajyat hasta ayé s̈ʉjw itʉgʉjy Noé barcuni'c, mit patscunas̈ ayʉ̱́j mundu mit nʉ', mit o'cpʉ'ngau nu'pʉjʉn ayé maljayajwat.