Popular Bible Verses from Mariko 9

Share

Yesu wakati, “Chifukwa uli mukuti, ‘Usange mungachitapo kanthu?’ Vinthu vyose nvya machitiko kwa uyo wakupulikana.”

Penepapo wiske wa mwana wakachemerezga wakati, “Nkhupulikana, kweni pachoko. Ndovwirani kuti ndipulikane chomene.”

Yesu wakati wanjira mu nyumba, ŵasambiri ŵakhe ŵakamufumba ku udesi ŵakati, “Chifukwa uli ise tikatondeka kuwufumya mzimu uheni ura?” Yesu wakaŵazgora wakati, “Mzimu wa mtundu uwu kuti ukufuma waka chara, kweni na kuromba na kuziŵizga.”

“Muchere nguweme, kweni para wasukuruka kasi mungawuwezgeramo uli? “Ŵani na muchere mukati mwinu ndipo muŵe na mutende yumoza na munyakhe.”

“Yose uyo wakupokerera mwana muchoko nga ndi uyu mu zina lane, wakupokerera ine. Ndipo yose uyo wakupokerera ine kuti wakupokerera ine chara, kweni uyo wakandituma.”

Na unenesko wose nkhumuphalirani kuti, yose uyo wakumupani maji ghakumwa chifukwa chakuti muli ŵa Khristu, nadi, kuti wati watayenge njombe yakhe chara.

“Yose uyo wakupuruskira yumoza wa ŵana ŵachoko aŵa ku kwananga, ŵeneawo ŵakupulikana mwa ine nkhuweme kwa iyo kuti lwara lukuru lukakiririke mu singo yakhe na kumubizga mu ndimba ya nyanja.

Usange jiso lako likukwanangiska ulikozombore. Nkhuweme kuti ukanjire mu Ufumu wa Chiuta na jiso limoza kuruska kuti ukaponyeke ku Gehena uli na maso ghose ghaŵiri.