Popular Bible Verses from Mariko 8

Share

Chifukwa yose uyo wakukhumba kuponoska umoyo wakhe wati wawutayenge, kweni yose uyo wati watayenge umoyo wakhe chifukwa cha ine na chifukwa cha Uthenga Uweme wati wawuponoskenge.

Kasi kungamwandulirachi munthu kuti waphindule charu chose cha pasi na kutaya umoyo wakhe?

Yesu wakachema mzinda wa ŵanthu pamoza na ŵasambiri ŵakhe kuti ŵize pafupi nayo, ndipo wakaŵaphalira kuti, “Usange munthu wakukhumba kundirondezga, wakwenera kujipata, ndipo wanyamule mphinjika yakhe na kundirondezga.

Kasi munthu wangaperekachi kuti wawombole umoyo wakhe? Munthu uyo wali na soni na ine na mazgu ghane mu muwiro uwu wa uleŵe na wakwananga, Mwana wa Munthu nayo wamkuŵa nayo na soni para wakwiza mu uchindami wa Ŵawiske pamoza na ŵangelo ŵatuŵa.”

Wakaŵafumbaso wakati, “Kweni imwe mukuti ndine njani?” Petrosi wakazgora wakati, “Imwe ndimwe Mesiya.”