Popular Bible Verses from Mateyu 7

Share

“Rombani, ndipo ŵati ŵamupaninge. Penjani ndipo muti musangenge. Khung'uskani, ndipo ŵati ŵamujuliraninge.

Pakuti yose uyo wakuromba, wakupokera, uyo wakupenja wakusanga, ndipo uyo wakukhung'uska, kuti kumujulikirenge.

“Ntheura yose uyo wakupulika mazgu ghane gheneagha na kughachita, wali nga ndi munthu wa mahara uyo wakazenga nyumba yakhe pa jarawe.

“Ntheura ivyo mukukhumba kuti ŵanthu ŵamuchitiraninge, ndivyo namwe muŵachitirenge. Chifukwa ichi ndicho ching'anamulo cha Dango la Mozesi na visambizgo vya nchimi.

Kweni chipata chakuya ku umoyo nchifinyi, nthowa yakhe nayo njinonono, rekani mbachoko awo ŵakuyisanga.

“Njiraninge pa chipata chifinyi. Pakuti chipata chakuya ku Gehena nchisani, ndipo nthowa yakhe nayo njipusu, rekani mbanandi awo ŵakwenda mwenemumo.

Usange imwe mwa ŵaheni, mukumanya kuŵapa ŵana ŵinu vyawanangwa viweme, asi chomene kwakuruska Ŵawiskemwe awo ŵali kuchanya ŵati ŵaŵapenge vyawanangwa viweme awo ŵakuŵaromba?

“Mungeruzganga, mwakuti namwe Chiuta wareke kumweruzgani Pakuti nga ndi umo mukweruzgira ŵanyinu, ndimo namwe Chiuta wamkumweruzgirani. Ndipo mweso uwo mukupimira ŵanyinu pakweruzga, Chiuta nayo wizamkupimira imwe.

“Kweni yose uyo wakupulika mazgu ghane gheneagha na kureka kughachita, wali nga ndi munthu uyo nchindere uyo wakazenga nyumba yakhe pa muchenga.

Chifukwa uli ukulaŵiska chiswaswa icho chili mu jiso la mubali wako, kweni khuni ilo liri mu jiso lako kuti ukulighanaghanako chara? Kasi ungaphalira uli mubali wako kuti, ‘Reka ndifumyemo chiswaswa icho chili mu jiso lako’ apo khuni liri mu jiso lako?

“Chenjerani na nchimi zitesi, izo zikwiza kwa imwe mu kawonekero nga ndi mberere, kweni mukati ndi mphumphi zakukwapura. Muti muŵamanyenge na ivyo ŵakuchita. Kasi ŵanthu ŵakuponthora mpheska mu minga, panji vikuyu mu nthura?

Ntheura khuni lose liweme likupambika vipambi viweme, kweni khuni liheni likupambika vipambi viheni.

Khuni liweme kuti likupambika vipambi viheni chara, nanga ndi khuni liheni kuti likupambika vipambi viweme chara.

Khuni lambula kupambika vipambi viweme likutemeka na kuponyeka mu moto.