Popular Bible Verses from Mateyu 5

Share

Ŵanthu kuti ŵakukozga nyali na kuyiŵika kusi ku chidunga chara, kweni ŵakuyiŵika pa malo ghakuwonekera ndipo yikuŵaŵalira wose ŵa mu nyumba. Ntheura ndimo ungweru winu uŵalirenge panthazi pa ŵanthu, mwakuti para ŵakuwona milimo yinu yiweme, ŵachindikenge Ŵawiskemwe ŵa kuchanya.”

“Imwe ndimwe ungweru wa charu. Msumba wakuzengeka pa phiri kuti ukubisika chara.

Mbakutumbikika ŵakutowa mu mtima, pakuti ŵati ŵawonenge Chiuta!

Mbakutumbikika awo ŵakupulika njara na nyota chifukwa chakukhumba kuchita urunji. Pakuti ŵati ŵakhutiskiskenge!

Kweni ine nkhumuphalirani kuti, temwani ŵarwani ŵinu, ndipo muŵaromberenge awo ŵakumuzikizgani

“Mbakutumbikika awo mbakavu mu mzimu, pakuti Ufumu wa kuchanya ngwawo!

Mbakutumbikika awo ŵakuŵika mutende, pakuti ŵati waŵachemenge ŵana ŵa Chiuta

Mbakutumbikika awo ŵakutengera, pakuti ŵati ŵasanguruskikenge!

Mbakutumbikika awo ŵakuzikizgika chifukwa chakuchita ivyo Chiuta wakukhumba, pakuti Ufumu wa kuchanya ngwawo!

Mbakutumbikika ŵa lusungu, pakuti Chiuta wati waŵachitirenge lusungu!

“Ŵakutumbikika ndimwe para ŵanthu ŵakumutombozgani, ŵakumuzikizgani, na kumuteterani uheni wose chifukwa cha ine. Kondwani, sekererani chomene, pakuti njombe yinu njikuru kuchanya. Ntheura ndimo ŵanthu ŵakazikizgira nchimi izo zikaŵako pambere imwe mundaŵeko.

Mbakutumbikika ŵakuzika, pakuti ŵati ŵaharenge charu.

“Imwe ndimwe muchere wa charu. Kweni usange muchere wasukuruka, kasi nkhongono yakhe yingawezgekeramo uli? Kuti uliso na nchito chara kweni ukutayika waka kuwaro na kukandika na ŵanthu.

Ntheura imwe muŵenge ŵakufikapo, nga ndi umo Ŵawiskemwe ŵa kuchanya ŵaliri ŵakufikapo.

Rekani icho muyowoyenge chiŵe waka ‘Inya’ panji ‘Yayi’, chilichose icho muti muyowoyenge kujumpha apa nchakufumira ku uheni.

“Muli kupulika kuti kukayowoyeka kuti, ‘Jiso lifwirane na jiso, jino na jino.’ Kweni ine nkhumuphalirani kuti, ‘Mungalimbananga nayo munthu muheni.’ Kweni usange munthu wakukutimba pa thama lako la maryero umuzgorereso na linyakhe.

Ndipo usange jiso lako la maryero likukwanangiska, ulikozombore na kulitaya. Pakuti nchiweme kwa iwe kuti chimoza cha viŵaro vyako chiwukeko, kuruska kuti thupi lako lose liponyeke mu Gehena. Ndipo usange woko lako la maryero likukwanangiska, ulidumureko na kulitaya. Pakuti nchiweme kwa iwe kuti chimoza cha viŵaro vyako chiwukeko kuruska kuti thupi lako lose liponyeke mu Gehena.