Popular Bible Verses from Mateyu 19

Share

Yesu wakaŵalaŵiska ndipo wakati, “Ku ŵanthu ichi nchambula machitiko, kweni kwa Chiuta vyose vya machitiko.”

Ntheura kuti mbaŵiriso chara, kweni yumoza. Icho Chiuta wagumanya pamoza, munthu wareke kupatula.”

Yesu wakaŵazgora wakati, “Kasi mundaŵazge kuti uyo wakaŵalenga kufuma ku mutendeko, wakaŵalenga mwanarume na mwanakazi? Ndipo wakati, ‘Ndicho chifukwa mwanarume wati waside ŵawiske na ŵanyina na kubatikana na muwoli wakhe, ndipo ŵaŵiri aŵa ŵakuŵa thupi limoza.’

Yesu wakati, “Tuzomerezgani twana twize kwa ine, mungatukanizganga chara. Pakuti Ufumu wa kuchanya ngwa twa ntheura.”

Kweni ŵanandi awo mbakudanga ŵamkuŵa ŵakumalira, ndipo awo mbakumalira ŵamkuŵa ŵakudanga.”

Ndipo yose uyo wali kusida nyumba, panji ŵabali ŵakhe, ŵadumbu, ŵawiske, ŵanyina, ŵana panji minda, chifukwa cha ine, wamkupokera vya mphapikira 100 ndipo wamkupoka umoyo wa muyirayira.

Yesu wakamuphalira wakati, “Usange ukukhumba kuŵa wakufikapo, rutanga ukaguliske vyose ivyo uli navyo ndipo ndarama zakhe ukaŵape ŵakavu, ndipo wamkuŵa na usambazi kuchanya. Ntheura ŵize na kundirondezga.”

Yesu wakayowoya nayo wakati, “Chifukwa uli ukundifumba na za icho nchiweme? Waliko yumoza pera uyo ndi muweme. Para ukukhumba kuŵa na umoyo wa muyirayira, sungilira marango.”

Ndipo nkhuwerezgaso kuti, nchipusu kuti ngamila yisorote mu jiso la sindano kuruska kuti musambazi wanjire mu Ufumu wa Chiuta.”

Nkhumuphalirani kuti, yose uyo wakupata muwoli wakhe, kwambula chifukwa cha uleŵe, ndipo wakutora munyakhe, wakuleŵa.”

Ndipo Yesu wakati ku ŵasambiri ŵakhe, “Nadi nkhumuphalirani, nkhunonono chomene kuti musambazi wanjire mu Ufumu wa kuchanya.