Popular Bible Verses from Mateyu 18

Share

Chifukwa pose apo ŵanthu ŵaŵiri panji ŵatatu ŵawungana mu zina lane, penepapo nane ndili pamoza nawo.”

“Ndiposo nkhumuphalirani kuti usange mwa ŵaŵiri mukuzomerezgana pano pasi pa kalikose ako mukuromba, Ŵadada ŵa kuchanya ŵati ŵamupaninge.

Yesu wakachema mwana muchoko na kumwimika pakati pawo. Ndipo wakati, “Nadi nkhumuphalirani kuti kwambula kuti mung'anamuke na kuŵa nga mbana, kuti mwamkunjiramo chara mu Ufumu wa kuchanya.

Ntheura yose uyo wakujiyuyura na kuŵa nga mwana muchoko uyu, ndiyo ndi mukuru kwakuruska mu Ufumu wa kuchanya.

Ndipo yose uyo wakupokerera mwana muchoko nga ndi uyu mu zina lane, wakupokerera ine.”

“Nadi nkhumuphalirani kuti, chose icho mukakenge pano pasi, chiti chikakikenge na kuchanya wuwo, ndiposo chose icho musutulenge pano pasi, chamkusutulika na kuchanya wuwo.

“Ntheura ndimo Ŵadada ŵa kuchanya ŵamkuchitira na waliyose wa imwe, usange mukureka kugowokera ŵanyinu kufumira ku mtima winu.”

“Kweni yose uyo wakukhuŵazga yumoza wa ŵana ŵachoko aŵa, awo ŵakupulikana mwa ine, nkhuweme kwa iyo kuti lwara lukuru lukakiririke mu singo yakhe na kumubizga mu ndimba ya nyanja.

“Mukughanaghana vichi? Usange munthu wali na mberere 100, ndipo yimoza yazgeŵa, asi wakusida 99 pa mapiri na kuya kapenja iyo yazgeŵa?