Popular Bible Verses from Mateyu 16

Share

Penepapo Yesu wakaŵaphalira ŵasambiri ŵakhe kuti, “Usange munthu wakukhumba kundirondezga, wakwenera kujipata, kunyamura mphinjika yakhe, na kundirondezga.

Ntheura nkhukuphalira kuti, ndiwe Petrosi, ndipo pa jarawe ili nditi ndizengenge mpingo wane. Nkhongono za nyifwa kuti zizamkuwutonda chara.

Nditi ndikupenge vijuriro vya Ufumu wa kuchanya. Chose icho mukakenge pano pasi chamkukakika na kuchanya wuwo. Chose icho musutulenge pano pasi, chamkusutulika na kuchanya wuwo.”

Pakuti yose uyo wakukhumba kuponoska umoyo wakhe, wati wawutayenge. Yose uyo watayenge umoyo wakhe chifukwa cha ine, wati wawusangenge.

Kasi kungamwandulirachi munthu kuti waphindule charu chose cha pasi na kutaya umoyo wakhe? Kasi munthu wangapereka chinthu uli kuti wawombole umoyo wakhe?

Yesu wakati kwa iwo, “Kweni imwe mukuti ndine njani?” Simoni Petrosi wakati, “Imwe ndimwe Mesiya Mwana wa Chiuta wamoyo!”

Yesu wakamuzgora Petrosi wakati, “Wakutumbikika ndiwe Simoni mwana wa Yona, chifukwa kuti ndi munthu wakuvumbulira ichi chara, kweni Ŵadada ŵa kuchanya.