Popular Bible Verses from Mateyu 15

Share

Kweni ivyo vikufumira pa mlomo, vikufuma ku mtima vyeneivi ndivyo vikukazuzga munthu. Pakuti mu mtima wa munthu ndimo mukufuma maghanoghano ghaheni: uchikozi, uleŵe, uzaghali unkhungu, ukaboni wa utesi, na matusi.

Icho chikunjira mu mlomo kuti ndicho chikukazuzga munthu chara, kweni icho chikufuma mu mlomo, ndicho chikukazuzga munthu.”

‘Ŵanthu aŵa ŵakundichindika na mlomo wawo pera, kweni mtima wawo uli kutali na ine. Ŵakundisopa nadi, kweni kusopa kwawo nkhwa waka. Visambizgo ivyo ŵakusambizga nga ndi vyenecho, kweni ndi maluso waka gha ŵanthu!’ ”

Penepapo Yesu wakamuzgora wakati, “Wa mwanakazi iwe, chipulikano chako nchikuru! Vikuchitikire kwakuyana na umo ukukhumbira.” Mwana msungwana wa mwanakazi yura wakachira pa nyengo yeneyira.

Kweni mwanakazi yura wakiza wakajikama wakati, “Fumu ndovwirani!” Yesu wakazgora wakati, “Kuti nchakwenerera chara kutora chakurya cha ŵana na kuponyera ncheŵe.” Kweni mwanakazi yura wakati, “Inya, Fumu, kweni nanga ndi ncheŵe nazo zikurya maruvuvu agho ghakurakata kufuma pa thebulu la ŵasekuru ŵawo!”