Popular Bible Verses from Luka 7

Share

Ntheura nkhukuphalira kuti, zakwananga zakhe izo nzinandi chomene zagowokereka, pakuti warongora kutemwa kukuru. Kweni wakugowokereka pa vichoko waka, ndi uyo wakutemwa pachoko waka.” Penepapo Yesu wakamuphalira mwanakazi yura wakati, “Zakwananga zako zagowokereka.”

Yesu wakamuphalira mwanakazi yura wakati, “Chipulikano chako chakuponoska. Rutanga mu mutende.”

Apo wakimilira kumanyuma kwa malundi gha Yesu, na kulira, wakamba kunyevya malundi gha Yesu na masozi. Ndipo wakafyuranga masozi na sisi lakhe, na kughafyofyontha malundi, na kughaphakazga mafuta.

Ntheura ndangujipima wambula kwenerera kuti ine ndamwene ndize kwa imwe. Kweni muyowoye mazgu pera ndipo muteŵeti wane wachirenge. Chifukwa ine nane nanga ndili munthu uyo wali pasi pa ŵamazaza, ndili na ŵasilikari pasi pane, ndipo nkhumuphalira yumoza kuti, ‘Ruta,’ ndipo wakuruta, ndipo nkhumuphalira munyakhe kuti, ‘Zanga,’ ndipo wakwiza. Ku muteŵeti wane nkhumuphalira kuti, ‘Chita ichi,’ ndipo wakuchita.” Para Yesu wakapulika mazgu agha, wakazizwa nayo, ndipo wakang'anamukira ku mzinda wa ŵanthu awo ŵakamurondezganga wakati, “Nkhumuphalirani kuti, ndilije kusangamo chipulikano cha ntheura nanga ndi mu ŵaIsraele.”

Pa nyengo yeneyira, Yesu wakachizganga ŵanthu ŵanandi awo ŵakaŵa na nthenda za mitundumitundu. Wakafumiskanga mizimu yiheni, na kujula maso gha ŵa chiburumutira. Ntheura wakaŵazgora wakati, “Wererani kunyuma mukamuphalire Yohane ivyo mwawona na kupulika kuti, ŵachiburumutira ŵakuwona, viti vikwenda, ŵavyoni ŵakutozgeka, ŵakumangwa makutu ŵakupulika, ŵakufwa ŵakuwuka, ndipo Uthenga Uweme ukupharazgika ku ŵakavu.