Popular Bible Verses from Luka 8

Share

Kweni mbuto iyo yikawa pa dongo liweme, ndi ŵanthu awo ŵakupulika mazgu gha Chiuta na kughasunga mu mtima uweme na wa unenesko, ndipo ŵakulimbalimba mpaka ŵapambike vipambi.

Mbuto iyo yikawa mu minga, ndi ŵanthu awo ŵakupulika mazgu gha Chiuta, kweni vyakwenjezga, kutemweska usambazi na vyakukondweska vya mu charu, vikuŵafyenya na kuŵafyoronganiska, ndipo kuti ŵakupambika vipambi vya kukhoma chara.

Mbuto iyo yikawa pa lusokorowe, ndi ŵanthu awo ŵakupulika mazgu gha Chiuta na kughapokerera na chimwemwe. Mazgu kuti ghakujintha nkhorozi mwa iwo chara. Ŵakupulikana pa kanyengo kachoko waka, ndipo pa nyengo ya viyezgo, ŵakuwerera nyuma.

Yesu wakati kwa iwo, “Kasi chipulikano chinu chili nkhu?” Ŵasambiri ŵakopa na kuzizwa ndipo ŵakayowoyeskana ŵakati, “Kasi sono ndi njani munthu uyu? Wakulangula kuti chimphepo na maji vireke, ndipo vikumupulikira.”

Mbuto iyo yikawa mu mphepete mwa nthowa, ndi ŵanthu awo ŵakupulika mazgu, penepapo Satana wakwiza na kukwapura mazgu mu mitima yawo, mwakuti ŵareke kupulikana na kuponoskeka.

“Chifukwa palije kanthu kakubisika ako kamkureka kuvumbukwa pakweru, panji ako kali mu ubende ako kamkureka kumanyikwa na kuvumbukwa.

Mwanakazi pakuwona kuti walije kubisama, wakiza na kutenthema, wakawa pa malundi gha Yesu na kuphara pakweru chifukwa icho wakamukhwaskira na umo wakachizgikira pa nyengo yeneyira. Yesu wakati ku mwanakazi yura, “Mwana wane, chipulikano chako chakuchizga. Rutanga mu mutende.”

Ŵasambiri ŵakhe ŵakaruta na kumuwuska ŵakati, “Musambizgi, Musambizgi, tikufwa!” Yesu wakawuka na kuchenya chimphepo na majigha ghakofya. Vikareka ndipo kukaŵa bata likuru.