Popular Bible Verses from VaEfeso 5

Share

Naizvozvo ivai vateveri vaMwari savana vanodikanwa; fambai murudo, Kristu sezvaakakudaiwo, akazvipa nokuda kwedu, kuti ave chipo nechibayiro kuna Mwari, zviite hwema hunonhuwira.

Naizvozvo chenjerai kwazvo pakufamba kwenyu, kuti murege kufamba savasina kuchenjera asi savakachenjera; mungwarire nguva yenyu, nokuti mazuva akaipa.

Regai kudhakwa newaini, nokuti ndipo panokusazvidzora, asi muzadzwe noMweya; mutaurirane pakati penyu namapisarema, nenziyo, nezviimbo zvoMweya, muimbire, muridzire Ishe mumwoyo yenyu; muchivonga Mwari, Baba, nguva dzose pamusoro pezvinhu zvose, muzita raIshe wedu, Jesu Kristu

Saka musava mapenzi, asi muzive kuda kwaIshe.

Imi varume, idai vakadzi venyu, Kristu sezvaakadawo sangano, akazvipa nokuda kwaro

nokuti kare maiva rima, asi zvino muri chiedza muna Ishe; fambai savana vechiedza.

muchizviisa mumwe pasi pomumwe, muchitya Kristu.

Imi vakadzi, muzviise pasi pavarume venyu chaivo, sezvamunoita kuna Ishe.

Asi imiwo, mumwe nomumwe ngaade mukadzi wake sezvaanozvida iye; nomukadzi ngaatye murume wake

Naizvozvo munhu achasiya baba vake namai vake, anamatire mukadzi wake; ivavo vaviri vachava nyama imwe.

Regai kuyanana namabasa erima asina zvibereko, asi zviri nani kuti muarayire