Popular Bible Verses from MARKA 13

Share

Naibaly kaimy i amyn deaungkho y khumi bawibawichi ly nangchi ai niu ngai y ai; na i py tem pa-rei kham pajau nai khumi ly mymy kypkyp ly hengra nga ai.

Tau tleaung y awm u ly: ajeng u rym paryp iy chiu so u; nangchi ly neng pany y.

Naibaly nangchi ai pahawi iy ang patiu hai nai neng khala y ly, ‘Mana, ati kathui ai mo?’ nanai paleung adi adiu nai awm u rym moh: huni neng khyp khala y ang pany hai nai ngierei ly huni kyp kyp phai thui u; ati mana nai mo nabaly thui ai nai keung ly nangchi ny y leang, Phailo Kachai teu.

Kani khaileaung ly tama ai i, kai i leu ly tamo y ai.

“Na i py huni kani hawi huni neng ly Ngaai leaungrei ny y baly ami py pany y: kani pri i amtaw thau naichi py, Chapo py pany y leang.

Naibaly nangchi ly atiu nai leu hawi atiu nai satang kamthang thai nai khala y ly paleung bi u moh; hunichi ly tym ai nai angchi yb teu; na i py tem ai naira ly tym y leang rai.

Hunaibaly ajeng u rym paryp, yhmkeung i vawi ai nai neng ly dym mang y mo, vum y mo, aneng hyh y mo, a kheaung iy mo, khawn mang y mo nangchi ly pany y; ti y baly ang tym miu iy nangchi ai i ngym nai niu lawh na. Naibaly nangchi teng y kai i leu kang thui pi nai ly khumi bawibawichi teng y kang thui pi nai ne: Ajeng u rym paryp,” napi.

Cheng takhra hawi cheng takhra atiu ai i, pri takhra hawi pri takhra atiu ai; meingtym takhra takhra y kaleih py theu ryry ai; takang py theu ai.

Naibaly Satang Kahawi ly cheng bawibawichi teng y thui pi man ai nai tla.

Ati mana nai mo nabaly khumi neangneangchi ly, “Kai ne he” nanai kai i amyn angam nai ang jeu ai i, khumi neangneangchi ai tapawp ai.

Hunichi ly patang angchei nai ne. Na i py tau tleaung y awm u; nichi ai pany hai ai naira lawn ai nai nangchi ly kaimy deaungkho y miteaung kechi hawi samrangchi i mo y angdo ai.

Krista angam naichi hawi, amo angam naichi py theu ai i, nichi ly sa thai iy khyly vawi takhra naichi ai tapawp thai ai nai ka-ma-ra hawi khri pa-rei lyh ai awm naichi py patei ai.

“Na i py huni neng khala y huni patang nai bo y ly kanito ai ly veng hai ai i, lo py angvang y leang bo; ka-sichi py kani mang i dengdairei tla ai; kani mang i atiti sa thai nairachi ai ly ahyn hai ai.