Popular Bible Verses from MARKA 12

Share

Isu my ly, “Len keh nai ly hini ne he: Israelachi awi, achi i Areng Tameuh ly Areng leaungrei ne khyh: naibaly nang i Areng Tameuh ai ly nang i paleung verei hawi, nang i phailo verei hawi, nang i dawn nai bawibawi hawi, nang i atho bawibawi hawi nang tamen ai nai tla,’ nanai ne. Huni bo i nai ly hini ne he: ‘Nangmy ai atamen nai kamta nang i saleaungchi ai py tamen ai nai tla,’ nanai ne. Hini tleaung y leu pei nai len keh nai ly ha py by y,” napi nai pathang.

Naibaly Isu ly abangnaichi ai palau i nichi teng y, “Meitang khyp kang thui pi, khai achu naira y pala naichi bawibawi tleaung y hini neampachy lumai kamawn teichy i pala nai nawi keh. Ati mana nai mo nabaly nichi bawibawi ly pasym nai theung i kamlai pala nai ne: hini naini asawi aem nai theung i apacho ai naira khypkhyp i nai pala keih na ly,” napi.

Naibaly mymy ly khai achu naira kataw y ateh i, khai achu naira y khumi mipuichi i tangka pala nai sai khen; naibaly khumi kanangchi ly neangneang tlai pala. Naibaly neampachy lumai kamkawn teichy ly tym iy, pia nyhrei pala: (Huni ly paisa tlaurei tahm awm.)

naibaly mymy ai ly paleung verei hawi, pany thai naira bawibawi hawi, atho bawibawi hawi tamen ai nai py, amymy ai atamen nai kamta saleaungchi ai tamen ai nai py bom leng nai atiti talam nai hawi apathyp naira bawibawi tleaung y khri pa-rei hawi keh,” napi.

Naibaly Isu ly nichi teng y, “Kaisara i atitichi ly Kaisara teng y pei u ly: Tameuh i atitichi ly Tameuh teng y pei u bei,” napi. Naibaly nichi ly khri pa-rei lyh u na.