Popular Bible Verses from Jɔɔn 15

Share

Minuu grepu daa la. Ii ge ɛɛ u kela. Di hìŋ́ kel sɛɛwɔ di du n ni nɛnnɛ, n ge du i ni, i daŋ wer nɔŋ werge. Di haa n ni duwɛɛ, hàá wer nɔŋ.

Ií gil n ni ia kpau nɛnnɛ ń miibɔɔ wer du ii ni, ií ge wer du n ni. Grepu daa kel wàá wer nɔŋ di waa u lau ni duwɛɛ. Gunnɛ ii ge gba wàá wer ɛɛ Kɔraawiizi kipar di ii waa n ni duwɛɛ la.

Di ii ɔɔ du n ninɛɛ, n wiŋɔzi ge du ii ni, ii danna suŋŋi wii la maa iin niŋ suŋŋi di nau.

Ii wan lizɛɛ. Minuu lizi ia di kaa ra hum ia ií wer di ra ɛɛ Kɔraawiizi kipar wia werge maa alugɔ kel la n nɔnnɛ di ra la saŋa maa la. Di ii wetto ɛɛ guŋ, wii la maa iin niŋ kpa n sɔŋ suŋŋi n Mɛɛ Kɔraawiizi, u daŋ tɛɛ ia.

Nɛr la n wette kuu u dammuzi wia siu, u nɔŋŋaa labuu kannɛ kaali nɔŋŋaa maa.

Di u kel bɛl maa waa kaa ra nɔŋ, ɔɔ teŋuu ha. Ka anla n na nɔŋ la, ɔɔ teŋri a nuuzii ha, ka á wer hel di nɔŋ nɛnnɛ.

N widauliirɛ keŋ. Ií nɔŋŋi dɔŋa gunla miŋ nɔŋŋi ia la.

Di ii ɔɔ wer di ra ɛɛ Kɔraawiizi kipar alugɔ kel la n na nɔŋ nɛnnɛ la, n Mɛɛ daŋ na girme, nɛr maa wer zum lugɔ ii ɛɛ n hiŋraa, wibii maa.

“Minuu grepu daa himmaa. N Mɛɛ genii ra par u biini di ra binnuu.

Di hinla maa waa sɛɛwɛ du n ni, i daŋ ta lugɔ kel la baŋ teŋŋe ha u hil ba kpau ha niŋ biini u fuuh la.

N bagli iabuu wia naa ń bɔsɔna wer du ii ni, ií ge bɔra wer sɔɔni ia werge di ga tuŋ.

Di ii ɔɔ ra hiŋ n baglaa, ii daŋ ɔɔ du n nɔŋŋaa la biini. N gba hiŋ n Mɛɛ nuuzii di du u nɔŋŋaa biini.

Wii la miŋ ŋɔ ií ra ɛɛ la, waabuu lugɔ ií nɔŋŋi dɔŋa.

Di ii ni baa vii ɛɛ kpaŋ, ba daŋ vii nɔŋŋi ia. Ka miŋ lizi ia tɛɛ n hiŋ la, ii waa kaa hoo ba be. Awiarɛ ba hah ia la.