Popular Bible Verses from Jɔɔn 14

Share

Minna kaali naa, n tɛɛ iabuu bampirsɔna. N himmaa bampirsɔnaa n kpa tɛɛ ia la. Durnya bampirsɔna lɛi. Awia, ií gilɛɛ gil wiimaa kaa tir ia di gilɛɛ ra ɔm.

Yeesu ŋɔ, “Minuu ŋmɛnɛɛ, minuu wibii, minuu miibɔɔ. Nɛr maa wàá wer la Kɔraawiizi be di waa n be ballɛ lɛi.

“Ií gilɛɛ gil wia zuu ii nyuuni ii bampiree chɔgi. Ií yardi Kɔraawiizi di kaa yardi n ge jaa.

Ka di n wa kaalɔɔ, Nɛhiini la, Kɔraawiizi Dumnanii la un niŋ hum ú ba wa lɛɛ n bɔr la, waabuu niŋ waa bagli ia wiimaa di ra liizi ia wii la maa miŋ bagli ia la.

Nɛr la maa n sɛɛwɛ tɛɛ n nuuzi naa di ɔɔ ra hiŋaa, waabuu nɔŋŋiŋ nɛnnɛ. N Mɛɛ daŋ nɔŋŋi unla maa n nɔŋŋiŋ guŋ. N gba daŋ nɔŋŋuu di kpa n hiŋ bagluu.”

N daŋ suŋŋi n Mɛɛ Kɔraawiizi ú kaa tɛɛ ia Nɛhiini bɛl n niŋ wer du ii be di ra la. U Dumnanii labuu ń suŋŋi tɛɛ ia. U daŋ bagli ia wibii. Durnya wàá wer sɛɛ u Dumnanii la wia, dikuubɛɛwiai, ba siwee wàá wer nau, bá zumuu. Ka iawaa zumuubuu dikuu uŋ ɔɔ du ii be wia. U daŋ wa du ii biine.

Di ii wa suŋŋiŋ wii la maa, n daŋ ɛɛu tɛɛ ia, dikuu iiŋ kpa n sɔŋ di suŋŋi la wia ń wer na girme tɛɛ n Mɛɛ Kɔraawiizi. Di ii kpa n sɔŋ di suŋŋiŋ wiimaa, n daŋ ɛɛu tɛɛ ia.

Di ii nɔŋŋiŋ, amɔ, ii daŋ hiŋ n nuuzi.

N Mɛɛ dia dɔɔ diinii kpilaa werge, wibii maa. Di u vii waa guŋ dɔɔwɛ, n daŋ faa bagli ia guŋ? N na la denii ń gaa ɛɛ a diini sirya di ra dau ia ií ra ba.

Di n wa laŋŋɔ di ga ɛɛ a sirya maa wa tuŋ, n daŋ kaa bir ba di wa chaali ii maa di la de yáa maa ga wer du bɔkpaŋ de.

Tɔmas ŋɔ, “N Dɔɔri, yaa waa zum bɔr la hinna la. Ka ɛrɛɛ ya ɛɛ zum u ŋmɛnɛɛi?”