Popular Bible Verses from Jɔɔn 16

Share

N bagli iabuu wia naa ií wer dɔɔ bampirsɔna dikuu n ni ia n ɛɛ kpaŋ wia. Durnya daŋ tɛɛ ia tɔɔrɔɔ, ka ií gilɛɛ ra ɔm. N kpegli durnyaa.”

Ka di Kɔraawiizi Dumnanii la n ɔɔ bagli wibii la wa ballɔ, u daŋ pilli wiimaa ni u zɛɛ di tɛɛ ia. Wàá kpa u himmaa hor bagli ia. Gunla un nuuwɛ Kɔraawiizi be, gunnɛ ú bagli ia di gil ii zum wia la n niŋ haa ba la.

Ii faa waa kummaa ra suŋŋi ani n sɔŋ. Ka filaŋkennaa, ií ra suŋŋi. Di ii ra suŋŋi, ii daŋ na ií bɔra sɔɔni ia werge maa di ga tuŋ.

Ií gil n ŋɔ wibii maa tɛɛ ia. Minna kaali naa, u guŋ daŋ lii suma tɛɛ ia. Di maa haŋ kaali, Nɛhiini la ge wàá ba ii be. Ka di n wa kaalɔɔ, n daŋ humuu tɛɛ ia. Di u wa ballɔ, u daŋ di wibii tɛɛ durnya, di bagli unla hor n waa sum ani unla hor n summɛ ani gunla Kɔraawiizi seriya dii n duwɛɛ.

Gunnɛ ií ge du. Ii biine chɔkkɔɔ filaŋkeŋ, ka n daŋ kaa na ia. Denii ií bɔra sɔɔni ia werge maa nɛra chɔg ii bɔsɔna hiŋ huhzi. Ii wàá ka pɛɛziŋ wiimaa a saŋa. Ií gil n ŋɔ wibii maa tɛɛ ia. N Mɛɛ daŋ kuu n wia tɛɛ ia wii la maa iin niŋ suŋŋuu.

Ií gil n ŋɔ wibii maa tɛɛ ia. Ii biine daŋ chɔgi werge maa ii ra wii, ka durnya waa bɔra sɔɔni baa. Wibii maa, ii biine daŋ chɔgi. Ka di a kaa wa ɛɛ tama, ii bɔra bir sɔɔni ia werge maa.