Popular Bible Verses from Mateo 8

Share

Pagmukrat ni Jesus, maat yat kanira, “Unu nay magkaiꞌlaman mi nga atnakayan, it aku naga i iba mi? Talagang dekeyeꞌ i pamayaꞌ baw pagsarig mit aken.” Nagbangun na kanya baw biyugrakan yay deres nga yemengyeng na, baw kat lapnaw, lumantap na. Unupat limnantap nat atna.

Temed kaꞌampang i kapitan ngayti, maat ya, “Agalen, maski ega mayaꞌ ka, sabap talagang subraꞌ ka nga mataꞌas. Magꞌeyaꞌ aku nga pabayaꞌen ka duꞌut amen. Pagsisiguruun ku nga, mampang ka lamang kayti, gumayen talagay taraꞌgen ku ngayti.

Naliluꞌ si Jesus, pagkagneg ya kayti. Maat ya it mga taw ngayti nga mamagbaya-bayaꞌ it kanya, “Matuud talagay iꞌaat ku ngaytut imyu. Egay namuyaan ku nga maski siyu situt mga Judio, nga mga tungtung-inapuꞌ ni Israel, nga atkaytuy kadakulaꞌ it pamayaꞌ yat aken.

Pagkatupus ni Jesus it iti nga pagꞌampangen ya, maat yat kapitan ngayti nga magpangabang it kanya, “Ta, in atkayan, daꞌku na mayaꞌ it imut muliꞌ. Kat kadakulat pamayaꞌ mu ngayan, matanggap mu yan i ipagꞌabang mu ngayan it aken.” Gimnayen nga matuud i sarut it taraꞌgen ya ngayti it iti nga uras.

Naliluꞌ i mga kaꞌibaan ya ngayti. Maamaatan sira, “Unu naytung taw? Ka maski deres baw lapnaw, magsunud na it kanya.”