Popular Bible Verses from Mateo 7

Share

“Temegel kamu it mangut duꞌun it Ampuꞌang Diyus, ka siguradu yan nga begayan kamu. Tegel-tegelan mit tumulus duꞌut kanya i pagkaꞌilanganen mi, ka tabangen ya kamu nga maparagan mi. Paꞌungaꞌ-ungaꞌ kamu it pasleden kat adapan ya, ka talagang sumambung kanya.

Sabap pagbegayan ya i kumpur magꞌangut. Magkaparag i iyan nga magtulus. Baw talagang sambungan i kumpur magpaꞌungaꞌ-ungaꞌ it pasleden.

“Aypaꞌ in siyu-siyu nga magpagneg baw magsunud it mga ipagpanulduꞌ ku ngaytu, subung kanya it mapikir nga taw nga piyatindegan yat balay ya duꞌun it lugtaꞌ nga nagragiꞌ it batu baw ipiyatꞌed ya.

Aypaꞌ, buwaten mi duꞌun it beken, iyan nga ireg mi nga yanagay buwaten nira gasiꞌ it imyu. Itu i pagpaꞌulugan it paꞌaaten mi nga mga urdin ni Moises baw mga ipiyanulduꞌ it mga prupitaꞌ.”

Temed talagang masupit i puwirtaꞌan baw ega malaya-layaw i dalan nga magꞌaduꞌun it kaꞌgenan nga egay kaskedan. Aypaꞌ ka ega dakel i magkaparag kaytu.”

“In yay kanget it nakem mi, kaꞌadiꞌan it Ampuꞌang Diyus, iyan i piliꞌen mi nga seldan, masupit manggid nga puwirtaꞌan. Sabap iyan mawayang nga puwirtaꞌan baw malayaw nga dalan, dakel i maglapas baw magsunsun kaytu, temed yay matuud, itu i magꞌaduꞌun it kakuriꞌan nga egay kaskedan.

Ta, in kamu nga makasalaꞌan, magkaꞌrut megay it magagayeng bagay kat mga anak mi, daꞌga baꞌ subraꞌ na i Amaꞌ mi nga duꞌut langit? Talagang ibgay yay mga magagayeng bagay kat mga magꞌangut duꞌun it kanya.

Ipiyasigi ni Jesus i panulduꞌ ya, nga maat ya, “Paꞌalaidan mi i adat nga pirming pagsitaren i maꞌiba mi, isaꞌun daꞌkamu naga magkasitaran. Sabap in magꞌuꞌunu kamu magꞌukuman it maꞌiba mi, atkayan nagay pangukuman it imyu. In mapiyabeꞌgat kamu it maꞌiba mi, mabeꞌgat nagay tanggapen mi.

Temed iyan taw nga, lamang magkagnegan yay panulduꞌ ku ngaytu, temed ega pagsunudun ya, kanya i subung it taw nga engel-engel, nga pagpati-patindeg yat balay ya duꞌun it kaꞌigsan baw ega ipiyatꞌed ya.

Taꞌway in unuka, in puling gat beken nga kapu-kapu lamang, yan i pagsisigmataen mu nga pirmi. Temed in sadili mu nga puling nga magbabangkar nat mata mu, pagpataꞌnan mu lamang. Ta, magꞌuꞌunu mu maꞌaat i maꞌiba mu, ‘Daliꞌ, awaꞌen kuy puling mu ngayan nga kapu-kapu,’ it may magbabangkar asat mata mu?

“Magꞌintur kamu kat mga magpapru-prupitaꞌ, nga ega naga pagpanakman it Ampuꞌang Diyus. Magꞌinu-inu sirat imyu nga maat, nakman sira nga subuk tupa. Arit yay kamatuudan, kaꞌiꞌilang sira nga subung it mga bunglun duꞌut talun. Simpri makilalaan mi yan sira kat mga pagbuwaten nira, nga subuk magkakilalaan i kayu kat buwaꞌ ya. Ka ega muwaꞌ it ubas i sapinit, u muwaꞌ it igos i dikut nga madugiyen.

Baw iyan luwak nga kayu nga makseg, magayen gasiꞌ i buwaꞌ ya, temed in magsarut i kayu, egay kukaꞌen it buwaꞌ ya, ka ega magayen.

Ka ega mapakay nga muwaꞌ it maraꞌe-raꞌet nga buwaꞌ i kayu nga magayen. Baw ega gasiꞌ mapakay nga muwaꞌ it magagayeng buwaꞌ i kayu nga maraꞌe-raꞌet.

Ta, kada luwak nga kayu nga magsarut, nga ega magayen i buwaꞌ ya, pukanen na lamang, ka idaꞌpug na lamang duꞌun it apuy.