Popular Bible Verses from Markúsarguðspjall 5

Share

Jesús sagði við hana: „Dóttir, trú þín hefur bjargað þér. Far þú í friði og ver heil meina þinna.“

Þar var kona sem hafði haft blóðlát í tólf ár. Hún hafði orðið margt að þola hjá mörgum læknum, kostað til aleigu sinni en engan bata fengið, öllu heldur versnað.

Jafnskjótt þvarr blóðlát hennar og hún fann það á sér að hún var heil af meini sínu.

Og hann tók hönd barnsins og sagði: „Talíþa kúm!“ Það þýðir: „Stúlka litla, ég segi þér, rís upp!“

Meðan hann var að segja þetta koma menn heiman frá samkundustjóranum og segja: „Dóttir þín er látin, hví ómakar þú meistarann lengur?“ Jesús heyrði hvað þeir sögðu en gaf ekki um, heldur sagði við samkundustjórann: „Óttast ekki, trú þú aðeins.“

Því að Jesús hafði sagt við hann: „Þú óhreini andi, far út af manninum.“ Jesús spurði hann þá: „Hvað heitir þú?“ Hinn svaraði: „Hersing heiti ég, við erum margir.“