Popular Bible Verses from Fyrsta Jóhannesarbréf 2

Share

Elskið hvorki heiminn né það sem í heiminum er. Sá sem elskar heiminn elskar ekki föðurinn. Því að allt sem maðurinn girnist, allt sem glepur augað, allt oflæti vegna eigna, er ekki frá föðurnum heldur frá heiminum.

Og heimurinn fyrirferst og fýsn hans en sá sem gerir Guðs vilja varir að eilífu.

Þeim sem segist vera í honum ber sjálfum að breyta eins og Jesús Kristur breytti.

Börnin mín! Þetta skrifa ég ykkur til þess að þið skulið ekki syndga. En ef einhver syndgar, þá höfum við málsvara hjá föðurnum, Jesú Krist, hinn réttláta.

Sá sem segir: „Ég þekki hann,“ og heldur ekki boðorð hans er lygari og sannleikurinn er ekki í honum.

Þá vitum við að við þekkjum hann ef við höldum boðorð Guðs.

Sá sem segist vera í ljósinu og hatar bróður sinn, hann er enn þá í myrkrinu.

Hver er lygari ef ekki sá sem neitar að Jesús sé Kristur? Sá er andkristurinn sem afneitar föðurnum og syninum.

Hver sem afneitar syninum hefur ekki heldur fundið föðurinn. Sá sem játar soninn hefur og fundið föðurinn.