Popular Bible Verses from METTHIU 19

Share

Khoutei Jisu rui kaniw ta zaucna sa the, “Mi hei maansei khang thu ngam mak khe, tiki Ravguangc khang thu ngam tu rana de.”

Hei zaeng rui kaney tei kanei hamh the, pumh akhat di the. Hei zaeng rui Ravguangc rui zay kariulou kanmei tei maansei rui sw ntamv dat nuh mak khe.”

Jisu rui mundawna sa the, “Puakthau puaksiak khou rui Damhmeipu rui kaney ta nggaanvmei khatni ntumei swna damclou the twmei nangniw pah mak he nah cho? Khoutei Ravguangc rui sa the, ‘Hei zaeng rui nggaanvmei rui kapui kapu ta mpatlouna kanow lev guang kariu nina e, kumna kaney pumh akhat sw nina e.’

Khoutei, “Alauc nunc tei adaeng khou guang kan diu, kaniw ta khaam riu. Kalam thu tingkauh guangcdic hei mi kumhmei nunc khang e,” twna Jisu rui sa the.

Kumna ntaw reymei sw bammei mpeyna hei nkhamhmei sw puni, khatni ntaw nkhamhmei sw bammei mpeyna hei reymei sw puni.”

Kumna thow pw ni kakai, kalau, kachaic, kakainac, kapui, kapu, khatni kanac ta azaeng khang rui gancloumei thai tei hei tei suangc geihna kamei laatow dat puni, kumna ringcsuangmei ni laa puni.

Khoutei Jisu rui kakhou sa the, “Nang nthuih nii e thei, tat lana nang tuang naimei guay tei zuanc lana lungcsimei khang tii tio. Kum e thei tingkauh thangc nang tuang lanv nai puni. Kumna guangna athei lay o.”

Jisu rui kakhou sa the, “Tabui swna nang akhou gaymei lam khou thanv bam tu cho? Gaymei gaanv khat nai e; nang ringhmei khou gut nii e thei kalatdanv guay tei piu o.”

Ai rui nangniw khou sa dat re: Lungcgaymei rui Ravguangc guangcdic gutmei suangc guaikuan mpinh mai khou gutmei rui chiw e.”

Ai rui nangniw khou samei thu: lungcmaanvpui zaeng rui hamhna kanow ta taan lana meic baihmei ta kaw datmei kamei tei lungcmaanvmei e.”

Khoutei Jisu rui kaziap nunc khou sa the, “Ai rui nangniw khou kaling siakna sa tuang e: Lungcgaymei thu tingkauh guangcdic gut khang kungc puni.