Popular Bible Verses from METTHIU 18

Share

Kalam thu gaanv nei gaanv thumh azanc khou guang kariuna bammei bamv khou tei ai bam e.”

“Ai rui nangniw khou sa dat re: Kandih khou bammei nangniw gaanv nei rui tabui lam khou pw ni chwnchamhna ney e thei tingkauh thangc bammei aPu rui swlou puni.

Khoutei alauc khat ta kaw guangna kaniw hu khou tidinglouna sa the, “Ai rui nangniw khou sa tuang e: nangniw lungh laicna alauc nunc kumh mak ge thei, nangniw tingkauh guangcdic khou gut zat ni tu hamh e.

Hei zaeng rui thow pw ni niamh keyna, mi nac launa hei kumhpui mei tei tingkauh guangcdic khou daic liangpui mei e.

Kumna thow pw ni mi kumhmei alauc gaanv khat ta azanc khou laaloupui mei tei, ata laalou tu e.”

“Ai rui nangniw khou kaling siakna saloupui tuang e: nangniw rui kandih khou bangcloumei tei tingkauh thangc ni bangclou puni khatni nangniw rui kandih khou ricloumei tei tingkauh thangc ni riclou puni.

“Nangniw chana makaamv khat khat ta nangniw lung syng khou rui kuaklou mak ge thei, tingkauh thangc bammei aPu rui ni nangniw khou hei tei kumcna swlou puni.”

Thow pw ni akhou lwmmei mi kumhmei alauc akhat ta tiphaysuyloupui mei ta thu kaguang khou napriaktauc daihmei ntalouna duipui syng thangc phaicloumei rui kakhang gay e.

“Thowkumhmei lauziu phay khat naimei gaanv khatpu katuang lauziu akhat ruan maan tat kan ti thei kamei akumh puni cho? Riakchakiuna chakiu ta tei chyngbut khou ganclou ducna ruan maan kanmei akhat ta tei phu tat pw lak nah cho?