Popular Bible Verses from Mk 5

Share

Tannem tika mhonn’lem: “Dhuvê mhojê, tujea bhavartan tuka bori keli. Xantin voch atam ani tujê piddentli meklli za.”

Bara vorsam rogt-pat zal’li thõi êk bail asli; sobar voizanchem vokhod kortanam zaitem sosun-ui ani sogllo aplo duddu khorchun-ui tika kãich gunn poddunk naslo, punn tichi gôt odik paxtt zal’li.

Ani rokddich tichea rogtachi zhôr sukli ani apunn piddentli bori zali mhonn tichea angant tika bhòglem.

Ani cheddvachea hatak dhorun, “Talitha, kum’!” mhonngê “Dakttea cheddva, utth!”, oxem Tannm mhonn’lem.

To uloita thõich astana, “Tuji dhuv bhair poddli; Gurujik anink tras kiteak ditai?”, oxem sangunk, devsthanachea odhikariager thaun dhaddlele monis pavle. Punn tãnnim mhonnlelem tem kanar gheun, “Tum bhienaka; bhavart mat dhôr!”, oxem Jezun devsthanachea odhikareak sanglem.

Kiteak Jezu taka mhonntalo: “Mhellea atmea, hea mon’xa velo bhair sor!” Ani Jezun taka vicharlem: “Tujem nanv kitem?” Ani tannem Taka zap dili: “Mhojem nanv Loskor, kiteak ami khup zann.”