Popular Bible Verses from Mk 4

Share

Utthun Tannem vareak bexttailem ani doriak mhonn’lem: “Gopchip! Thôndd za.!” Ani varem thamblem ani vhôdd thonddai zali. Magir Tannem tankam mhonn’lem: “Tumi itle bhezudd kiteak? Ozun-ui tumkam bhavart na?”

Tedna te zobor bhiele ani ekamekak mhonnunk lagle: “Ho konn mhonn zait? Tôr varo ani doria porian Tachem aikotat!”

Ani To Apunn verea-xim uxeacher nidlolo. Tãnnim Taka utthoun mhonn’lem: “Guruji, ami mortanv tem Tuka kãich poddunk na?!”

Tannem tankam anink sanglem: “Tumi aikotat tachi chotrai dhôrat. Tumi zôkxeat teach mapan Dev tumkam porot zôktolo ani odik-ui ditolo

Anink-ui Tannem mhonn’lem: “Ek monis aplea xetant bim vompta; rat ani dis, to nidlolo asum vô zago asum, bim kirlota ani vaddta; hem koxem tem to kãich nokllo.

Aikunk konnank kan aslear, tãnnim aikunchem.”