Popular Bible Verses from Mk 6

Share

Tedna Tannem tankam sanglem: “Êkê eksurê svater tumi ekvodde ieiat ani matso visôv gheiat.” Kiteak ietim-vetim itlim zannam aslim ki jevunk legun tankam fursôt nasli.

Jezun tankam sanglem: “Eka provadeak fokot aplea khaxa ganvant, apleam soiream-dhaiream modem ani aplea ghorabeant man na.”

Ani hoddeantlo bhair sortana Jezun êk vhoddli urpônz dekhli ani gonvlli-nasleleam xelliam porim aslim dekhun, kallzant thaun tanche Taka churchure disle ani sobar vostu To tankam xikounk laglo.

Bhov thoddeam piddevontancher Aple hat dovrun Tannem tankam borim kelim tanche bhair, Tachean thõi koslench vismit korunk zaina zalem, Ani tankam bhavart na mhonn Taka ojap dislem. Tedna bhonvtonncheam gramamnim vochun, To xikovnn ditalo.

Tedna Tannem panch undde ani don maslleô hatant gheun ani sorgak dolle ubarun Devak dhin’vasnni keli, magir undde môddle, ani te lokak vanttunk, Tanne te xisam kodde dile; toxeôch don maslleô Tannem soglleank vanttleô. Sogllim jevlim ani dhadoxi zalim. Unddeanche ani maslleanche urlele kuddke-tukdde ektthãi korun tãnnim bara panttleô bhôrleô.