Popular Bible Verses from PHILIPPI 2

Share

Wat leh ei ei na ka jingkhwan myntoi lane na ka jingkwah bymmyntoi ban sngewsarong, hynrei, to long kiba sngewrit iwei ïa iwei pat, kiba ñiew borabor ïa kiwei kiba kham bha ban ïa lade. Bad to khmih ïa ki jingdonkam jong iwei ïa iwei pat, ym tang ïa la ka jong.

Ka jingmut kaba phi dei ban don ka long kata kaba U Khrist Jisu u la don

U don borabor ïa ka jinglong U Blei; hynrei um shym pyrkhat ïa kata da ka bor ba u dei ban pyrshang ban pynlong mar ryngkat bad U Blei. Ha ka jaka kane, da ka mon balaitluid u kheiñduh noh ïa baroh kaba u don, bad u la shim ïa ka jinglong u shakri. U kylla long u kum u briew, bad u la wanpaw ha ka dur u briew. U la long uba sngewrit bad u la ïaid ha ka lynti jong ka jingkohnguh baroh shi lynter lynti sha ka jingïap — ka jingïap jong u halor ka diengphna.

namar U Blei u trei borabor hapoh jong phi, ban pynlong ïa phi kiba don ka mon bad kiba lah ban kohnguh ïa ka jingthmu jong u hi.

Na kane ka daw U Blei u la kyntiew eh ïa u sha ka jaka kaba hajrong tam eh, bad u la ai ha u ïa ka kyrteng kaba kham khraw ban ïa kano kano kawei pat ka kyrteng. Bad kumta, kum ka burom ïa ka kyrteng U Jisu baroh ki jingthaw ha bneng, ha pyrthei bad ha ka pyrthei hapoh kin dem khrup ha ki khohsiew jong ki, bad baroh kin pynbna shynna ba U Jisu Khrist u long U Trai, ïa ka burom U Blei uba U Kpa.

To leh ïa kiei kiei baroh khlem da khñium ne khlem ïania, khnang ba phi lah ban long kiba lui lui bad kiba khuid kum ki khun kiba janai jong U Blei, kiba im ha ka pyrthei jong ki briew kiba bamsap bad kiba pop. Phi dei ban tyngshaiñ hapdeng jong ki kum ki khlur kiba pynshai ïa ka sahit bneng, kumba phi tyrwa ha ki ïa ka khubor jong ka jingim.

Kumta te, ko ki paralok ba-ieit, kumba phi la kohnguh borabor ïa nga mynba nga la don bad phi, ka long kaba donkam shuh shuh ba phi kohnguh ïa nga mynta haba nga don jngai na phi. To ïai trei da ka jingsheptieng bad ka jingkhynñiuh ban pyndep noh ïa ka jingpynim jong phi