Popular Bible Verses from PHILIPPI 1

Share

Bad kumta nga sngewskhem ba U Blei, uba la sdang ïa kane ka kam babha ha phi, un ïai trei ha phi haduh ba yn da pyndep ïa ka ha kata ka Sngi jong U Khrist Jisu.

Nga duwai ba ka jingieit jong phi kan nang ïoh roi kyrhai shuh shuh, ryngkat bad ka jingtip bashisha bad ka jingbishar bajanai; khnang ba phi lah ban jied ïa kaei kaba bha tam. Te phin long kiba lait na baroh ki jingbymkhuid bad khlem shah kynnoh pop ha ka Sngi U Khrist.

Naba kaei ka jingim? Ïa nga, ka long U Khrist. Da ka jingïap, te, ngan wallam kham bun.

Nga ainguh ïa U Blei jong nga namar jong phi man la ka por ba nga pyrkhat shaphang jong phi

Mynta, ka bynta kaba donkam eh ka long, ba ka rukom ka jingim jong phi ka dei ban long kat kumba ka gospel U Khrist ka dawa, khnang ba, la nga lah ne ngam lah ban leit bad ïohi ïa phi, ngan ïohsngew ba phi ïeng skhem ha kawei ka jingthmu, bad kata, da kawei ka jingthrang, phi ïakhun lang na ka bynta ka jingngeit ha ka gospel.

Ka jingkwah bajur bad ka jingkyrmen jong nga ka long ba ngan ym shah rem ha ka kamram jong nga, hynrei, ha ki por baroh, bad kyrpang ïa mynta hi, ngan da long uba dap da ka jingshlur, khnang ba da ka longrynïeng jong nga baroh, ngan wanrah burom ïa U Khrist, la nga im ne nga ïap.

Naba ïa phi la ai ka lad ban shakri ïa U Khrist, ym tang ban ngeit ha u, hynrei ban shahshitom ruh na ka bynta jong u.