Popular Bible Verses from MARKOS 6

Share

La don bun ki briew kiba la wan bad leit, haduh ba U Jisu bad ki synran jong u kim don por shuh wat ban bam jingbam. Kumta u la ong ïa ki, “To ngin ïaleit noh tang ma ngi sha ka jaka ba ngin ïalong tang para ma ngi bad phi lah ban pynjahthait shipor.”

U Jisu u la ong ïa ki, “Ïa u Nongïathuhlypa la burom ha kylleng lait noh tang ha la ka shnong bad da ki ba-ha-ïing bad ka longïing jong u.”

Haba U Jisu la hiar na ka lieng, u la ïohi ïa une u paidbah babun, bad ïa ka mynsiem jong u la pyndap da ka jingsngewsynei ïa ki, namar ki la long kum ki langbrot khlem u nongsharai. Kumta u la sdang ban hikai bun kiei kiei ïa ki.

Um shym la lah ban leh kino kino ki kambah hangta, lait noh tang kaba buh ïa ki kti jong u ha ki khyndiat ngut ki briew kiba pang bad u la pynkhiah ïa ki. U la sngewlyngngoh shikatdei, namar ki briew kim shym don jingngeit. Nangta U Jisu u la leit sha ki nongrit kiba don sawdong ha kata ka thain, u da hikai ïa ki briew.

Nangta U Jisu u la shim ïa ki san tylli ki kpu bad ar tylli ki dohkha, u la khmied sha bneng, bad u la ainguh ïa U Blei. U la kdiah ïa ki kpu bad ai ïa ki ha ki synran jong u ban sam ha ki briew. U la ïasam ruh ïa ki ar tylli ki dohkha hapdeng jong ki baroh. Uwei pa uwei u la bam bad u la ïoh ha ban da biang. Nangta ki synran ki la ïalum khat-ar tukri kiba dap da kaei kaba la sah tam na u kpu bad ki dohkha.