Popular Bible Verses from MARKOS 5

Share

U Jisu u la ong ha ka, “Ko khun jong nga, ka jingngeit jong pha ka la pynkhiah ïa pha. Khie leit ha kaba suk, bad to long kaba la khiah na ka jingshitom jong pha.”

La don ka briew kaba don ka jingpang mihsnam kaba jur la khat-ar snem, wat la ka la ïoh jingsumar na kiba bun ki nongsumar. Ka la pynlut ïa ka pisa jong ka baroh, hynrei ha ka jaka ba kan kham ïoh jingkhiah, ka la nang kham shitom.

Ka la ktah ïa ka jaiñkup jong u, bad ka jingmihsnam jong ka, ka la sangeh shisyndon; bad ka la don ka jingsngewthuh hapoh jong ka ba ka ïohkhiah na ka jingshitom jong ka.

U la shim ïa ka na ka kti bad u la ong ïa ka, “Talitha, koum,” kaba mut, “Ko Khynnah rit, nga ong ïa pha ban khie joit!”

Katba U Jisu u dang kren ïa kane, katto katne ngut ki nonglamktien ki la wan na ka ïing jong u Jairos bad ki la ong ïa u, “Ka khun jong phi ka la lah ïap. Balei phin pynshitom shuh ïa U Nonghikai?” U Jisu um shym la patiaw ïa kaei kaba ki la ong, hynrei u la ong ha u Jairos, “Wat sheptieng, shu ngeit.”

(U la ong ïa kane namar U Jisu u la ong, “Me u mynsiem bymkhuid, mihnoh na une u briew!”) Kumta U Jisu u la kylli ïa u, “Kaei ka kyrteng jong me?” Uta u briew u la jubab, “Ka kyrteng jong nga ka long ‘U Paidbah’ — ngi ïadon shibun!”