Popular Bible Verses from MARKOS 4

Share

U Jisu u la ïeng bad u la hukum ïa ka lyer, “Long jai jai!” bad u la ong ïa ki jingat phyllung, “Long jai jai!” Ka lyer ka la kynjah jar bad ka la don ka jingjai jai kaba khraw. Nangta U Jisu u la ong ïa ki synran jong u, “Balei ba phi sheptieng? Hato phim pat don jingngeit satia?”

Hynrei ki la sheptieng haduh katta katta bad ki la ïa-ong para ma ki, “Uei une u briew? Wat ka lyer bad ki jingat phyllung ki kohnguh ïa u!”

U Jisu u don ha ka bynta kaba shadien jong ka lieng, u da ïohthiah, ka khlieh jong u ha ka syngkhlieh. Ki synran ki la kyrsiew ïa u bad ki la ong, “Ko Nonghikai, hato mem sngewlem ïa ngi ba ngin sa ïap?”

U la ong ruh ha ki, “To shahshkor ïa kaei kaba phi ïohsngew! Da kijuh ki aiñ kiba phi bishar ïa kiwei, U Blei un sa pyndonkam ban bishar ïa phi — hynrei wat da kaba kham eh.

U Jisu u la ong shuh shuh, “Ka Hima U Blei ka ong kumne. U briew u bet symbai ha la ka lyngkha. U thiah mynmiet, u khie bad ha ka por mynsngi, bad ha baroh kata ka por ki symbai ki speh bad ki nang san. Pynban um tip kumno kane ka jia.

To shahshkor, te lada phi don ki shkor!”