Popular Bible Verses from MATTHAÏOS 26

Share

To ïa-ap bad to duwai ba phin ym hap ha ka jingpynshoi. Ka mynsiem ka mon, hynrei ka doh ka tlot.”

bad u la ong ha ki, “Ka jingsngewsih hapoh ka dohnud jong nga ka long kaba khraw katta kata kat haduh ba ka jan pynlwet ïa nga. To sah hangne bad ïa-ap lem bad nga.”

U la leit kham jngai sa katto katne, u la dem khrup ïa lade bad ka khmat sha khyndew, bad u la duwai, “Ko Kpa jong nga, lada ka long kaba lah, to shim noh ïa kane ka khuri ka jingshah shitom na nga! Pynban, ym ïa kaei kaba nga mon, hynrei ïa kaei kaba me mon.”

“kane ka long ka snam jong nga, kaba pynskhem ïa ka jutang jong U Blei, ka snam jong nga ïa kaba la theh noh na ka bynta kiba bun ïa ka ban map ïa ki pop.

Katba ki dang ïabam, U Jisu u la shim shi lyngkhot u kpu, u la duwai ainguh, u la kdiah ïa u, bad u la ai ïa u ha ki synran jong u. “To shim bad to bam ïa u,” u la ong; “une u long ka met jong nga.”

Nangta u la shim ïa ka khuri, u la ainguh ïa U Blei, bad u la ai ïa ka ha ki. “To dih ïa ka, phi baroh,” u la ong

Nangta u la wan phai pat sha ki lai ngut ki synran bad u la shem ïa ki ba ki ïohthiah; bad u la ong ha u Petros, “Kumno keiñ ma phi lai ngut phim shym lah ban ïa-ap lem bad nga wat tang shi kynta?

Nga ong ha phi, ngan ym dih shuh ïa kane ka waiñ tad haduh ka sngi ba nga dih ïa ka waiñ thymmai bad phi ha ka Hima jong U Kpa jong nga.”

bad u Petros u la kynmaw ïa kaei kaba U Jisu u la lah ïathuh ha u: “Shuwa ba u syiar un kyn-ih, men ong lai sien ba mem ithuh ïa nga.” U la mihnoh bad u la ïamkthang.

To ïeng joit, ïa ngin leit noh. Ha khmih, hangne u don u briew uba shetkylla ïa nga!”

“Thep noh ïa la ka waitlam ha ka jaka jong ka,” U Jisu u la ong ha u. “Baroh kiba shim ïa ka waitlam kin ïap da ka waitlam.