Popular Bible Verses from MATTHAÏOS 16

Share

Nangta U Jisu u la ong ha la ki synran, “Lada uno uno u kwah ban wan bad nga, u dei ban klet ïa lade, ban bah ïa la ka diengphna, bad bud ïa nga.

Bad kumta nga ong ha me, ko Petros: me long u mawsiang, bad halor kane ka nongrim mawsiang ngan tei ïa ka balang jong nga, bad wat ka jingïap hi kan ym lah ban jop ïa ka.

Ngan ai ha me ïa ki shabi jong ka Hima ki bneng, kaei kaba me khang ha ka pyrthei yn khang ïa ka ha bneng, bad kaei kaba me shah ha ka pyrthei yn shah ïa ka ha bneng.”

Naba uno uno uba kwah ban pyllait la ka jong ka jingim un duh noh ïa ka; hynrei uno uno uba duh noh ïa la ka jingim na ka bynta jong nga un shem ïa ka.

Hato u briew u ïohnong ei ei lada u jop ïa ka pyrthei baroh kawei hynrei u duh noh ïa la ka jingim? Em ym kumta! Kam don kano kano kaba u lah ban ai ban ïoh pat ïa la ka jingim.

“Kumno ma phi pat?” U la kylli ïa ki. “Phi ong nga long uei?” U Simon Petros u la jubab, “Me long U Messaïah, U Khun jong U Blei uba im.”

“Kaba bha ïa me, ko Simon u khun jong u Jonah!” la jubab U Jisu. “Naba kane ka jingshisha kam shym la wan ha me na uno uno u briew, hynrei la ai ïa ka ha me beit beit da U Kpa jong nga uba ha bneng.