Popular Bible Verses from MATTHAÏOS 15

Share

Hynrei kiei kiei kiba mihnoh shabar na ka shyntur ki wan na ka dohnud, bad kine ki long kiei kiei kiba pynlong bymkhuid ïa u briew kat kum ka jinglehniam. Namar na ka dohnud jong u ki mih ki jingpyrkhat basniew kiba ïalam ïa u ban pynïap briew, ban klim, bad ban leh ïa kiwei kiwei ki kam bajakhlia; ban lute, ban lamler, bad ban kren sniew ïa kiwei.

Kam dei kata kaba rung shapoh ka shyntur jong u briew kaba pynlong ïa u, u bymkhuid kat kum ka lehniam; pynban, dei kaba mih shabar na ka, kaba pynlong ïa u, u bymkhuid.”

“ ‘Kine briew, ong U Blei, ki pyndonburom ïa nga da ki kyntien jong ki, hynrei ka dohnud jong ki, da shisha ka long jngai eh na nga. Kam myntoi ïa ki ban mane ïa nga, namar ba ki hikai ïa ki rukom ki briew kumba ki dei ki hukum jong nga!’ ”

Kumta U Jisu u la jubab ïa ka, “Pha long ka briew kaba khraw ka jingngeit! Ïa kaei kaba pha kwah yn leh na ka bynta jong pha.” Bad ha kata ka khyllipmat la pynkhiah ïa ka khun jong ka.

Ha kane, ka briew ka la wan bad dem khrup ha ki kjat jong u. “To ïarap ïa nga, ko Kynrad!” ka la ong. U Jisu u la jubab, “Kam long kaba dei ban shim ïa ka jingbam jong ki khun bad bret ïa ka sha ki ksew.” “Kata ka long kaba shisha, ko Kynrad,” ka la jubab; “hynrei wat ki ksew ki ïabam ïa kiba sah tam kiba hap na ka miej u kynrad jong ki.”