Popular Bible Verses from LUKA 4

Share

“Riengvaihai kuoma Chanchin Ṭha hril dingin Lalpân hriek a mi nal leiin, Lalpa Thlarau chu ka chungah a um; Ama chun salhai kuoma suokna thu le, Mitdelhai kuoma mitvar nei nâwkna thu hril ding dâm, Suknawmnat tuorhai insuoktirna ding dâm, Lalpa lungawi kum thu hril ding dâmin, A mi tir a nih,” ti hi.

Chun, Isûn a kuomah, “ ‘Lalpa i Pathien chibai bûk la, ama rawng chau bâwl rawh,’ ti ziek a nih,” a ta, a dawn a.

Chun, Isûn a kuomah, “ ‘Mihriem hi bei chauin hring naw ni hai,’ ti ziek a nih,” a ta, a dawn a.

Chun, Isu chu Thlarau Inthiengin a sip a, Jordan vadunga inthawkin a kîr nâwk a, thlalêrah ni sâwmli Thlarau ṭhuoia umin Diebol thlêmin a um a.

Chun, Isûn a kuomah, “ ‘Lalpa i Pathien infie naw,’ ti a nih,” tiin a dawn a.

Chun, Diebolin a thlêmna ding tinrênga a thlêm zo chun, a remchâng phaa dingin a fe san ta a.

Diebol chun a ṭhuoi tung a, mit khap kâr lovin khawvêl ram po po ân entir a. Chun, a kuomah, “Hieng po po chunga thuneina le ropuina hi pêng ka ti che; ka kuomah pêk a ni ta si a, ka nuom taphawt kuomah ka pêk hlak bawk a nih. Chuongchun, chibai mi bûk la, a rêngin i ta vawng nîng a tih,” a ta. Chun, Isûn a kuomah, “ ‘Lalpa i Pathien chibai bûk la, ama rawng chau bâwl rawh,’ ti ziek a nih,” a ta, a dawn a.

Chun, Diebol chun Jerusalemah a ṭhuoi a, Pathien biekin sîp zuma chun a sie a; a kuomah, “Pathien Naupa i ni chun, hitaka inthawk hin tla thla rawh; ‘Nangma humhim ding chein A vântirkohai chu thu pêng a tih,’ ti le, ‘An kutin dawm an ti che a, Chuong naw chun i kein lung sui hlau rawi i tih,’ ti ziek a ni si a,” a ta. Chun, Isûn a kuomah, “ ‘Lalpa i Pathien infie naw,’ ti a nih,” tiin a dawn a.