Popular Bible Verses from LUKA 3

Share

Chun, mi po poin baptisma an chang zoin, Isu khawmin baptisma a chang a, a ṭawngṭai a, vân a hung inhawng a, Thlarau Inthieng chu taksa putin vaṭhu angin a hung ṭum a, a chungah a fu ta a; chun, vâna inthawkin râwl a hung suok a, “Nang ka Naupa dittak i nih; i chungah ka lâwm ngawt el,” a ta.

Johan chun a dawn a, an rênga kuomah, “Kei chun chu tuiin ka baptis hlak cheu a; nisienlakhawm, keia nêka ropui lem a hung ding a nih, a kekawk hrui sût tlâk khawm ka ni nawh; ama chun Thlarau Inthieng le meiin baptis a ti cheu a

Chuongchun, sim hming put tlâkin ra ro, ‘Abraham kan thlatu a nih annâwm,’ in lungrilin ti el naw ro; Pathienin hieng lunghai hi Abraham thlaahai ân ngîrtir thei ti ka hril cheu hi.

Tu ngei khawm hin hreipui thing bul tinah an sie tah; chuongchun, thing tin ra ṭhaa ra naw taphawt chu an phûr a, meiah an pei hlak,” a ta.

Zâwlnei Isai thu buah, “Thlalêra mi khêk râwl chun, ‘Lalpa lamlien buotsai unla; A lampuihai suktlûn ro; Ruom tin sung sip ni vawng a ta, Tlâng tin, muol tin sukhnuoi ni bawk a tih. Lampui kâwihai hung tlûn a ta, Lampui inṭumnawhai hung inruol bawk a tih; Chun, mi po poin Pathien sandamna hmûng an tih,’ a ta,” tia ziek ang khan.