Popular Bible Verses from Matewus 7

Share

Siiwi aga a siki, piyi aga ki nivi, ɵiɓi mini dalam aga e miliŋki edi lai

Buri asiya ɗi paŋ, n'a siiwa a nava, n'a paya a nava, n'a ɵiɓa mini dalam aga e miliŋni edi lai.

Buri nɵa, asiya ɗi paŋ n'a ɵina seŋ hanɗa war ma par, n'a za pini lai ɗa, ni aga a za aŋ ɗif zi yel, n'a rga dalamni amai midini huwuŋ.

Wala paŋ na ki diri ɓa ɗai e ziŋ siki ɗa, tiki lai zi hanɗa siɗi, hanɗa a gadai na wiini Musus gaiɗi ɗai na mini Alaw.

Amma mini hlai n'a ka sini suŋfa ɗa a na agwi, futi te na gaini hiɵi lai, nagai n'e niviŋ ɗa e ɗa agwi lai.

Ki niyi ɗa warni mini hlai na gaini hiɵi, buri ɓa futi na te ka sini bi n'edi ɗa te na buruki, mini hlai bruk lai, n'e niyi warni ɗaw ɗa e ɗa viya lai.

Na ɓa tiki na ki ɗa maafanai, ki siɗi aŋ si wazagai na pɗamai wiiɗi aliki, azi gama Epiki na war fuŋ-n'Alaw aga a siɗi wazagai na pɗamai wiiɗi nagai n'e siiwiŋ ɗa.

Ku ɗûklûti sariya kai, kapai sariya te ɗukla midiki kai. Buri ɓa sariya na ki ɗa ziŋɗi wiiɗi ɗai na ɗa, aga e ziki sariya wiiki tiki nɵa lai, daram na ki ɗa ŋi gaiɗi ɗa, aga a ŋa siki tiki gaiɗi na lai.

Amma asiya ɗi paŋ n'a ɵina seŋ hanɗa ma par, amma a za pini kai ɗa, aga a za aŋ ɗif zi dûûli n'a rga dalamni miɗini kaikai.

Tuku ku tala evek n'a na arni tawalku ɗa, amma voɗok na arku tuku ɗa, ku sɗaŋ kai ɗa maɵa maɵa ɗa? Ku sɗa aŋ muɗa sini tawalku ɓa: hinaŋa mu tikasi evek na arku ɗa edi, paŋ kai voɗok n'a na arku tuku ɗa a tika edi gaiku kai ɗa maɵa maɵa ɗa?

Ki giɗimi siki wuzaɗi ɗai na mini Alaw z'alasakai, n'e hilisi siki ɗa maini adumai ɵa, amma warɗi n'amlai ɗa e ɗi belemke si virmi. Aga ki siɗiɗi sini aliɗi. Ɗif a rawasi alini luwuŋ zi vin sini luwuŋ zi hedek par ɗi? Zaw alini luwuŋ Fige sini duvuɗvuɗ par ɗi?

Luwuŋ na pɗem paŋ a wa ali na pɗamai, luwuŋ na meefeŋ ɗe a wa ali na maafanai lai.

Luwuŋ na pɗem a kiɗa a wa ali na maafanai kai, luwuŋ na meefeŋ a kiɗa a wa ali na pɗamai kaalai.

Luwuŋ paŋ n'a wa ali na pɗamai kai, aga a ɗukla azumai, a ɵiŋka arni afu