Popular Bible Verses from Matewus 6

Share

Ki piyiti avut ɗa te pai na wiini Alaw gaini jre ɗikat na wiini, na hanɗa paŋ aga a sa siki aŋ ɓeste.

Nɵa ki huwyi siki buriɗi dawai kai, buri ɓa dawai aga te huwya siɗi burini siɗi dama “Yuvai paŋ t'aŋ gaini girɗi girɗi.”

Buri nɵa mu na midiki, ki giriŋi burini wala kai zaŋ, burini suŋfaki kai, burini wala n'aga ki simiŋ ɗa kai, burini wala n'aga ki ciŋ ɗa kai, burini amur-siki kai, burini wala n'aga ki wiŋ siki kaalai. Suŋfa ɗa a suwa simi kai ɗi? Si ɗa a suwa sapa lai kai ɗi?

Amma tuku ɗa, won hlai na ku dara ku siiwa ɗa, niya amlai warɗi dilimiku n'edi pini hlai ɗa, ku doogo porte amai duk, ku siiwa Apuku n'a na war ŋoyai ɗa, Apuku n'a tala wala na war ŋoyai ɗa aga a vurguŋku.

Nɵa, aga ki siiwi maini nɵa: Epiyi n'aŋ warni fuŋ-n'Alaw, a juva ɓa, ɗai e siɗi ɓa yikuku a na sɗik, A juva ɓa paiku te halasi, a juva ɓa diriku a za midiɗi yai, maini n'amai warni fuŋ-n'Alaw nɵa.

Girna ɗa, siyi walayi zi simi na war yuvai ɗa

Ku hina meefeŋ n'aŋ midiyi ɗa, maini na tiyi mi ɗa ziŋ siɗi nagai na tumuŋyi aŋ midiɗi nɵa.

Hiniyi aŋ niyi warni titimi kai, amma ku kûrɗiyi edi tini na meefeŋ par, buri pai gaini spak gaiɗi abai paŋ a wiiku haa hlai n'a vada kai. Amen.

Na ɓa tiki ki hini meefeŋ na wiiɗi ɗai li ɗa, Epiki war fuŋ-n'Alaw aga a hiniki meefeŋ na wiiki tiki lai.

Tili sini wala zi ɗufli n'arbani hlai n'amai, a bula kai, a haɗa kai, a tapasi seyem aha warni vre kaalai, amma Epiki na warni fuŋ-n'Alaw a sini simi, tiki, ki sûwi wala zi ɗufli ɗa kai ɗi?

Ki tipi godai warɗi yai kai, won hlai na foto a sumaŋ, a coro, a tuura edi lai, na mahalakai e cû dalam buri e hiliŋ ɗa kai. A pɗem ɓa, ki tipi godaiki ɗa amai warni fuŋ-n'Alaw, woni ɗa foto a kiɗa a tuuraŋ kai, a coro aŋ tuura kai, mahalakai e kiɗi e cû dalam aŋ hiliŋ kaalai. Buri ɓa, hlai na godaiku aŋ woni ɗa, agulku aga te za woni lai.

Ɗif a kiɗa aŋ za aŋ bege na wiiɗi ɗai n'abakai sulu kai, aga a miisa na ktai, a dara na zamai, zaw a tapa seŋni gaini na ktai a miisa na zamai, tiki lai, ki kiɗi ki zi aŋ bagakai na wiini Alaw lai, na wiini Mamun lai kai.

Na ɓa Alaw a wa sapa sini evek n'edi war basga n'a na girna, na dawai aga a poko arni afu maini hanɗa ɵa ɗa, aga a za hanɗa siki tiki a suwa pra kai ɗi? Tiki na gaini yimi n'agwi, aga a za siki a suwa hanɗa azi gama ɗa?

Amma won hlai na ku sa walaku aŋ like wiini ɗif n'aŋ war gir ɗa, a juva tuku na muni ɗa, te siɗa wala na tuku na wus ɗa te zaŋ ɗa kai. Kapai wala na ku saŋ aŋ like ɗa a za war kuɗuhai, Apuku n'a tala wala na war ŋoyai ɗa, aga a vurguŋku.

Ki giɗimi siki pɗem kapai ki zi jre ɗikat na wiiki pini arɗi ɗai kapai e tiliki ɗa kai, na ɓa ki ziŋ maini hanɗa nɵa ɗa, Epiki na warni fuŋ-n'Alaw aga a siki vrak kai.

Won hlai na ki tiki sai li ɗa, ki zi siki maiɗi ɗai zi rhai ɗa ɵa kai, n'e ŋirɓi arɗi kapai ɗai e siɗi ɓa e ɗa tiki sai, jre mu miɗiki, e nivi vrakɗi ya. Amma tuku, won hlai na ku tika sai ɗa, ku girda emel muduku, ku ma arku lai, kapai ɗai e siɗi suku ɓa ku tika sai kai, sai a sɗaŋ ɗa a Apuku n'a na war ŋoyai, Apuku n'a na tala war ŋoyai aga a vurguŋku.