Popular Bible Verses from Jako 3

Share

Tungaila Säthaw te üng tho saite bälung kähae lä angcüky-a cai te vi. Honi lä awngneng saite, bälung hawi saite, khimi kälang na tähang aedawng kaw pa saite, bäheng saite hai kälu kähawi sa saite na vi. Honi lä khimi ce üng mimai kheng te hai käjüng sa te awng y.

Nang ce thung-a bälunghae saite lä ämi mei. Mänykaw saite lä ämi mei. Nang ce lä hawi saite kähing hai mätü hethang kae. Nang ce lä aemäneng kha hawi saite kälu na hai bälunghae saite mätü ö.

Khimi kälang na aede hai hethang sa saite na lä awngneng saite üng ämöti hi te khimi na kätyng vi. Äni ce lä cüng saite üng äthai na tea ae ö vi ai.

Ätephüng-a mei nädylä, pä-e saite, ae-aw saite bälung na awng dylä xhuxa saite awng haw te vi. Khimi ce lä käsi cawngkhang na sa ö te vi.

Mä-ai lä mä-ai üng Pä-ai hai Areng tea bälai hai bälaw kha Säthaw üng ämaw äcae kätyng sa saite khimi na tea lä täking ö te by vi. Täbawng haetä üng bälaw saite hai täking saite lo tho mei te vi. Kai üng yng saite kangby jä-ai na ä, hini kätyng mä-ai lä sa ö vi hang si.

Khimi üng bälai lä mai kätyng vi. Mä-ai üng ätabung kaepreng thung-a bälai lä haidae käsi awng te vi. Honi bälai lä khimi angxynlyng na tea käsi na sa haw te vi. Honi lä maipui angrawng üng tho saite mai hai-a mä-ai üng hing saite angxynlyng na tea kang hai haw te vi.

Tungaila bälai tea lä ämi lawngtä la änawng hawi rung khytä sa haw ö te y. Bälai lä äce kawi kha käsi sa jawjaw te vi.

Kai üng yng saite kangby jä-ai na ä, nang ce thung üng khimi äje cäcaw xyngtä lä kangkawng thung-a särae na lawng hethang sa ö hang. Ätephüng-a mei nädylä, Säthaw lä mätu saite kai ce tea khimi kälang na qawng-a cang y, dengpyky vi ai näte nang ce lä mäny ö te vi.