Popular Bible Verses from Jako 2

Share

Honi kätyng Isu Khrista tea yng ngaila, hawi saite kälu na sa y dylä, yng saite lä kädü kae vi.

Muilaw awng y saite ätabung lä kädü kätyng-a, kälu na sa y käla yng saite lä kädü kae vi.

Yng saite kangby jä-ai na ä, khimi lawngtä lä yng näkha thui ea hawi saite kälu na sa y dylä, honi lä äma tähang ävang ting te y vi. Hini kätyng yng saite lä äma tea aeqang haw y lyng.

Nang ce lä Säthaw lawngtä xyng awng näkha yng ö te vi. Hini lä hawi vi. Tungaila angra na mäteng ma yng kha ri te hai-a käsawtho ö te by vi.

Tungaila khimi lawngtä ma, “Nang lä yng saite awng vi. Kai lä hawi saite kälu sa vi. Tudylä nang lä hawi saite kälu sa y käla nang üng yng saite kai tea mätü lawi. Kai lä kälu kähawi na sa te hai-a kai üng yng saite nang ce tea mätü ai” näkha thui he awng vi.

Khimi lawngtä lä äma üng kangby jä-ai na tea bäheng y dylä, Säthaw ma tärae cei te kätü-a, äni tea la bäheng y by ai. Bäheng saite lä tärae cei saite qawng-a haidae awngky te vi.

Säthaw ma khimi lawngtä bung äni üng yng saite xyngtä phüng-a khimi käcüng kätyng mäthi te y vi näkha nang ce lä mäny haw ö te vi. Säthaw lä äni üng sa saite kälu phüng-a, äni bung khimi käcüng-a mäthi te vi.

Abraham lä Säthaw tea tengxyng y yng vi näte äni üng kälu hai mätü te vi näte tea nang ce lä nung haw ö te y mei. Äni üng yng saite lä äni üng sa saite hai-a cungrü hai te vi.