Popular Bible Verses from MATHEO 15

Share

Mme tse di tswang ka molomo di tswa mo pelong; ke tsona tse di itshekololang motho; gonne mo pelong go tswa dikakanyo tse di bosula, e bong dipolao le tsa boikanyologo jwa banyalani le tsa boaka le tsa bogodu le ditshupo tsa maaka le dikgalo.

Se se tsenang ka legano ga se sona se se itshekololang motho; mme se se tswang ka molomo ke sona se se itshekololang motho.”

“ ‘Batho ba, ba ntlotla ka melomo, mme dipelo tsa bone di kgakala le nna. Mme ba nkobamelela lefela, ka ba ruta dithuto tse e leng ditaelo tsa batho.’ ”

Foo Jesu a mo araba a re: “Mosadi, tumelo ya gago e kgolo! A go go dirafalele ka fa o eletsang ka teng.” Mme morwadie a fola e sa le ka nako eo.

Ke fa mosadi a tla, a mo obamela a re: “Morena, nthusa!” Jesu a araba a re: “Ga go a tshwanela go tsaya senkgwe sa bana go se latlhela dintšwanyana.” Ene a fetola a re: “Ee, Morena, gonne le tsona dintšwanyana di a tle di je matlhotlhora a a wang mo tafoleng ya beng ba tsona.”