Popular Bible Verses from 1 Ioane 3

Share

E aku au tamariki ra, auraka to tatou i te aroa vaa ua, e te aroa arero; ei aroa rave ra, ei mea mou.

Ko te mea teia i kite ei tatou i te aroa, ko te Mesia i oronga i tona uaorai ora no tatou: e kia oronga katoa tatou i to tatou ora no te au taeake e tikaʼi.

KA akara na i te tu o to te Metua aroa ia tatou nei, ko tatou i tapaia mai e e tamariki na te Atua: i kore ei to teianei ao i kite ia tatou, no te mea kare katoa i kite iaia.

Ko tei rave i te ara ra, no te diabolo ïa; i rave ana te diabolo i te ara mei muatangana mairai. No reira i akakiteia mai ei te Tamaiti a te Atua ra, kia akakore aia i te angaanga a te diabolo ra.

Ko ta te Atua i anau ra, kare ïa e rave i te ara; te vai ra oki tana ua i roto iaia: e kare e tika iaia kia rave i te ara, no te mea kua akaanauia mai aia e te Atua.

Te tangata ra tei iaia te apinga o teianei ao, e kite atura aia i tona taeake i te ngere anga, e karapii atura tona ngakau iaia, teiea te anoano i te Atua i te noo anga i roto iaia?

Te akono ra i tana ra au akaueanga, te noo ra ïa aia i roto iaia, e te noo maira aia i roto i taua tangata ra: teia te mea i kite ei tatou e te noo maira aia i roto ia tatou nei, ko te Vaerua tana i oronga mai kia tatou nei.

Ko te mea teia e kiteaʼi te tamariki a te Atua, e te tamariki a te diabolo; ko tei kore e rave i te tuatua-tika ra, kare ïa i to te Atua, kare katoa tei kore e aroa i tona taeake.

Teia oki te tuatua ta kotou i akarongo mei muatangana mai, kia aroa tatou ia tatou uaorai.

Auraka kotou e va ua, e aku au taeake, kia riri mai to teianei ao ia kotou.