Popular Bible Verses from 1 Ioane 4

Share

Kare o te aroa ra e mataku; e peke te mataku i te aroa meitaki rava: e mamae oki tei te mataku. Ko tei mataku ra, kare ïa i meitaki rava i te aroa.

No te Atua kotou, e aku au tamariki ra, e kua vi ratou ia kotou: no te mea e maata aia ko tei roto ia kotou, i tei roto i to te ao nei.

Te anoano nei tatou iaia, no te mea koia ana tei anoano mai ia tatou nei.

E aku au akaperepere e, e aroa tatou ia tatou uaorai, no ko mai oki te aroa i te Atua ra; e ko tei aroa ra, kua akaanau anakeia ïa e te Atua, e kua kite oki aia i te Atua.

Ko tei kore e aroa ra, kare ïa i kite i te Atua; ko te Atua oki te aroa.

Ko te aroa mou teia, kare ïa na tatou i aroa atu i te Atua, koia ra tei aroa mai ia tatou nei, e kua tono mai i tana Tamaiti ei tarangaara i ta tatou nei ara.

E aku au akaperepere e, i pera te Atua i te aroa anga mai ia tatou nei, kia aroa katoa tatou ia tatou uaorai e tikaʼi.

Kua kitea to te Atua aroa ia tatou nei, koia i tono mai i tana Tamaiti anau tai ki te ao nei, kia ora tatou iaia.

Kia karanga tetai tangata e, Te anoano nei au i te Atua, e kare i aroa i tona taeake, e pikikaa aia; ko tei kore e aroa i tona taeake tei akaraia e ia ra, eaa e tikaʼi iaia kia anoano i te Atua tei kore i akaraia e ia ra?

Ko te aaki ua e ko Iesu te Tamaiti a te Atua, te noo ra te Atua i roto iaia, e te noo ra aia i roto i te Atua.

Teia oki ta tatou akaueanga i rauka mai iaia ra e, Ko tei anoano i te Atua ra, kia aroa aia i tona taeake.

E AKU au akaperepere e, auraka e akarongo atu i te au vaerua ravarai, e timata ra i taua au vaerua ra, kia kitea e, no ko mai aina i te Atua ra: no te mea e manganui te peroveta pikikaa i aere atu na na te ao nei. Teia te mea e kite ei tatou i te Vaerua o te Atua ra; Ko te au vaerua e aaki e, kua aere a tangata mai nei a Iesu Mesia, no ko mai ïa i te Atua ra

E te au vaerua kare e aaki e, kua aere a tangata mai a Iesu Mesia i te ao nei, kare ïa i to ko mai i te Atua ra: ko taua vaerua Akakakore Mesia ra te reira, ta kotou i akarongo ra e, te aere maira; tei te ao mai nei oki aia i teianei rai.