Popular Bible Verses from 1 Ioane 2

Share

Auraka e anoano i teianei ao, e te au mea ravarai o teianei ao. Ko te tangata i anoano i teianei ao ra, kare te anoano o te Metua i roto iaia ra. Ko te au mea ravarai oki o teianei ao, ko te anoano tika kore o te kopapa nei, e te anoano tika kore o te mata nei, e te akatietie o te ora anga nei, kare ïa i to ko mai i te Metua ra, no teianei ao anake ïa.

Te ngaro ke nei teianei ao, ma ta to reira katoa e anoano nei: ko tei akono ra i to te Atua ra anoano, e tika ïa i te ora anga e tuatau ua atu.

Ko tei karanga e te piri ra aia kiaia, e akaarite i tona uaorai aerenga mei tona katoa ra aerenga e tikaʼi.

E AKU au tamariki ra, te tata nei au i teianei au tuatua kia kotou, kia kore kotou e rave i te ara. Kia rokoia atura tetai tangata i te ara, e Tika to tatou tei ko i te Metua ra, ko Iesu Mesia tuatua-tika ra

Ko tei karanga e, kua kite au iaia, e kare aia i akono i tana au akaueanga, e pikikaa aia, kare te tuatua-mou i roto iaia.

E ko teia te mea e kite ei tatou e kua kite tatou iaia, kia akono tatou i tana au akaueanga.

Ko tei karanga e tei roto aia i te mārama, e kua makitakita i tona taeake, tei roto rai aia i te poiri i teianei rai.

Koai te pikikaa mari ra ko tei karanga e kare a Iesu i te Mesia? Koia taua Akakakore Mesia ra, ko tei akakore ïa i te Metua e te Tamaiti katoa oki.

Ko tei akakore i te Tamaiti ra, kua ngere katoa ïa i te Metua: kareka ko tei aaki i te Tamaiti ra, tei iaia katoa te Metua.